Yelemiya 34:17 - Amazwi Yakwe Leza 2013

¹⁷ Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 34:17 Referans Kwoze

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Danieli 6:24

Lyene umwene apeela ilamulo kuti yaleme antu yalya yonsi apile Danieli umulandu, nga aleka yayasumbila mu ninga yakwe yacisama, kumwi na aci yao na ana yao kwene. Lino yatatala yapona pansi umu ninga, yacisama yayanka nu kuyakokota amafupa yao yonsi.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 15:4

Nupya ndalenga ukuti antu yonsi panonsi yaizakazila sile uku ntete apa kulola ivintu vivyo, pamulandu wa vintu viipe vino Manase umwana umonsi wakwe Hezekiya wacisile mu Yelusalemu lino wali umwene waku Yuda.”

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Nyimbo zya ndosya 1:8

Yelusalemu waifya apakalamba, nga acino wataikowezya asyala tupu! Yonsi amucindikanga mpiti yatiyamusuula. Ali cino lyene akufuteka nu kuvimba apa manso pamulandu ni nsonyi.

Yelemiya 32:36

Caleka fwandi, apamulandu nu musumba uno mukati inkondo ni cipowe ni mpungo vilauponela, nu kusumbwa mu makasa ya ina Babiloni, Yawe Leza wa ina Izlaeli wavwanga wati,

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Malango 19:19

ale lyene umuntu wiyo ali nu kuvunukwa wakwe vino wene wakasi umuze avunukwe. Mu musango kwene uu, ali vino mulaiswefya pa kufumya ulukota luu pakasi kinu.

Yelemiya 34:8

Izwi lyakwe Yawe lyafikile Yelemiya apacisila ca upangano uno umwene Zedekiya yapangine na antu yonsi aikazi amu Yelusalemu, uwakupeela untungwa uku azya yao.

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 29:17

Yawe Wamaka yonsi, wavwanga wati, “Ndayakatusizya inkondo, icipowe ni mpungo, nupya ndayacita wa masamvu aole aipisye cakuti kusi umwi wino angayalya.

Yelemiya 32:25

Lelo kwene we Yawe Simwandalali, awewe wanenyile uti, ‘Kala icalo ni mpiya apa manso yakwe yakambone, nupya umusumba wapelwa mu makasa ya ina Babiloni!’ ”