Yelemiya 34:16 - Amazwi Yakwe Leza 2013

¹⁶ Nupya mwasenuka, mwasuula ni zina lyane, apakuwezya cila muntu umuzya wakwe, umwanaci nu monsi yano mwatazile mwapeela untungwa nu kuleka yaikalile. Mwayapatikizya ukuya azya nupya.”

Yelemiya 34:16 Referans Kwoze

Aina Levi 19:12

Mutalapa ufi mwi zina lyane. Cico cikaleta muzewanya pi zina lyane. Nene Yawe Leza winu.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Ezekelo 3:20

“Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Yelemiya 34:11

Lelo apacisila yasenula amano yao, yawezya azya, aonsi na anaci kwene yano yapile untungwa wa maipitile, nupya yayateeka uzya.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

1 Samueli 15:11

“Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.

Malaki 1:12

“Lelo mwemo mutancindika apakulanda ukuti kavuwa kane akasauke na pakupeela penepo impolelwa zino mwasuula.

Malaki 1:7

Mukansuula pakupeela impolelwa zikowele pa kavuwa kane. Lelo mukauzya muti, ‘Uzye twaposiwa uli uku kucindika?’ Mukansuula apa kwelenganya ukuti kavuwa kakwe Yawe akasaluke.

Ezekelo 39:7

Ndaleka izina lyane lyamuzilo limanyikwe mu antu yane aina Izlaeli. Ntalaleka yakasuule izina lyane lyamuzilo nupya. Nga alino lyene imitundu yonsi ilamanya ukuti nene indi Yawe, Wamuzilo wakwe Izlaeli.”

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.