Yelemiya 34:14 - Amazwi Yakwe Leza 2013

¹⁴ Cila myaka cinimbali ndi yapita, cila wenga ali nu kulekelamo umuzya wino wiza waikazya kuno muli, apakuti nawe aikalile wenga. Ukuya kwene alinzile waya umuzya apa myaka mutanda kuno muli. Nga alinzile walekwamo apakuya umuntungwa. Lelo ivikolwe vinu vitanguvwile foo, nanti panono.

Yelemiya 34:14 Referans Kwoze

Malango 15:12

“Ndi umwina Izlaeli, umonsi nanti umwanaci, waikazya umwisikulu kunuli nu kukuombela imyaka mutanda, mu mwaka wakwe cinimbali ulinzile ukumuta aye umuntungwa.

1 Yamwene 9:22

Lelo apa ina Izlaeli patali yano Solomoni wacisile azya foo. Yene wayacisile ivita vyakwe, yakalinda yakwe, aomvi yakwe, yamusika akalamba ya vita vyakwe, na yamusika ya maceleta na yao akwelanga mwenemo.

Loma 7:24

Owee! Ne mulanda! Uzye aweni amankulula ku mwili uno ukuntwala ku mfwa?

Amosi 8:6

kuti tukale apina na siluva, na yayo aulilwa tuyakaule ni ndyatu, alino tukazye ingano zipese?”

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Ezekelo 20:4

“ ‘We mwana wa muntu, uzye umayaputwila umulandu? Uzye umayalanga uyi uno ivikolwe vyao vyacisile?

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

2 Milandu 28:10

Lyene mwemo mukasi kuti mucite uzya anaci aku Yuda nu ku Izlaeli pamwi na ana yao kwene. Uzye namwe kwene musi ni milandu ino mwacita kuli Yawe?

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Aina Levi 25:10

Mu musango kwene uu, mwapaatula mwaka uwalenga amakumi yasano nu kuulenga kuti uye mwaka wa untungwa ku antu yonsi yano yakaikala mu mpanga yonsi iyo. Mu nsita ya mwaka kwene uu, cila muntu alinzile awezeziwe icintu cakwe nanti kuciwezezya ku amu mupanda wakwe, nupya umuntu wino yakazizye mu uzya alinzile kuswilila kumwao ku amu ng'anda yakwe.

Malango 15:1

“Lyonsi ndi papita imyaka cinimbali muce mwasuulako ku nkongole.

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.