Yelemiya 34:13 - Amazwi Yakwe Leza 2013

¹³ “Ne Yawe Leza wa ina Izlaeli, lino nafumizye ivikolwe vinu mu mpanga ya Eguputo, napangine nayo upangano wakuti,

Yelemiya 34:13 Referans Kwoze

Yakapingula 6:8

Nga Yawe ayatumila kasema uwayanenyile ati, “Yawe, Leza wa ina Izlaeli, watavwanga ati, Nene namufumizye mu Eguputo mu uzya.

Yoswa 24:17

Pasi pano Yawe Leza witu umwisikulu uwatufumizye mu uzya mu Eguputo, sweswe ni vikolwe vitu, nga acita ni vinjelengwe vivi vikulu pa manso itu. Wene watucingilile pa lwendo lwitu lonsi nga na pakasi ka antu amu nko zyonsi muno twapisile.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Malango 5:27

Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Yelemiya 7:22

Pano lino nafumizye ivikolwe vinu mu Eguputo, ntayanenyile nanti cimwi nupya ntayapiile ni sunde apa mpolelwa zyakoca na pa mpolelwa zyuze zyasyala.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Malango 24:18

Mwaiusya ukuti mwemo mwali azya mu Eguputo nga nu kuti Yawe Leza winu wamucisile ukuya antungwa. Uli mulandu uno natimupeela ilamulo lii.

Malango 16:12

Mwaiusya ukuti mwali azya mu mpanga ya Eguputo, ali cino fwandi mulinzile ukulondela amalamulo yaa ningo.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 13:10

Uwakutama na mawe mpaka afwe! Wene wezizye ku mufumya kuli Yawe Leza winu, wino wamutuuzile ukufuma mu Eguputo, muno mwali azya.

Malango 8:14

muce musininkizye ukuti mutakaye ni cilumba nga mwilile Yawe Leza winu wino wamufumizye mu Eguputo, muno mwali azya.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Yelemiya 34:12

Nga alino nupya izwi lyakwe Yawe lyafikila Yelemiya lyamunena lyati,