Yelemiya 33:9 - Amazwi Yakwe Leza 2013

⁹ Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Yelemiya 33:9 Referans Kwoze

Ezaya 60:5

Wemo pakulolekesya vivyo pasi pakumwentula, nu mwenzo wako wakulukunta nu kulunkuma ni nsansa. Pano lyene ukankala wa mitundu yuze umalungamanga kunuli. Ivyuma vyao vimalambanga yemba apa kwiza kunuli.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Ezaya 62:7

Nupya cisi cakuleka ukuti yandeke intale mpuze, suka sile natala nakuululula Yelusalemu nu kumulenga aye uwa lulumbi pano nsi yonsi.

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Masamu 40:3

Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.

Zakaliya 12:2

Nemo ndasangula Yelusalemu wa lwako lwakumwelako waini wino akalenga kuti antu ya mitundu yuze iyazinguluka Yelusalemu yapempezyoke. Anisi yayo yalaponya inkondo mu mpanga ya Yuda nga nu musumba wa Yelusalemu.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 29:1

Yaa ali mazwi yano kasema Yelemiya walemvile muli kalata wino watumile kuli yasimapepo, yakasema, intunguluzi zya antu nga nuku antu yonsi yano Nebukadineza wafumizye umu Yelusalemu nu kuyasenda ku uzya uku Babiloni.

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.

2 Milandu 20:29

Lyene yamwene yonsi ayazingulwike yuvwa intete wakwe cimwi apa kuuvwa ukuti Yawe uwalwile inkondo pa anisi ya ina Izlaeli.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Ezaya 55:13

Apakamela imyunga palamela imilemo imipaini. Alino apakamela lwenya palamela cipupa ca muti ununkile wakwe cisu. Na vivyo vyonsi vilaletela Yawe ululumbi. Cilaya icintu cimwi cakwiusya pee, cino citalafuma penepo.

Ezaya 62:4

Antu lyene yatalatala nupya yakwame, yati, “Icikona”, nanti yati, “Impanga isuulwe.” Lelo yamakwamanga yati, “Lukundo lwane.” Impanga yako yamayamanga yati, “Utwazi usuma.” Pano lyene Yawe watazangila munuli, ni mpanga yako imafumalilwa kuli Yawe.

Ezaya 64:2

Yene ingatengana wa manzi yano yakutopota pa moto. Ndanga ulange anisi yako vino wemo waya na maka. Leka antu amitundu yonsi yazakaze kunuli!

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 32:42

Pano Yawe wavwanga wati, “Vino naletile umutundu uu ulanda ukulu onsi uu, ali vino ndayaletela ivisuma vyonsi vino nayalaya.

Yelemiya 33:14

Nalyuze kwene, Yawe wavwanzile ati, “Insita iliiza lino nemo ndafikilizya ulayo uno nalavile aina Izlaeli na ina Yuda.

Yelemiya 49:25

Iye mwe umusumba wa lulumbi, umusumba wa nsansa vino wasyala ivitotela!

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezekelo 39:13

Antu yonsi amu mpanga yalayaziika, yalolelamo nu mucinzi uwanda uno ndalanga ucindami wane. Ivyalanda ne Yawe Simwandalali.

Malango 30:5

Wene alamuwezya ku mpanga iyali ya vikolwe vinu nu kumupeela kuti iye iyakwinu. Nupya alamupeela ulongo ulwakuti mukasande ukuluta ni vikolwe vinu.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Yelemiya 31:14

Indimula yasimapepo ni vinone, umutundu wane ulikuta ku visuma vyane.” Ivyalanda Yawe.

Ezekelo 36:35

Nga alino yonsi yalavwanga yati, Silolini ivyalo ivyali mpiti ulwanga, lolini lyene vino vili wa calo ca Edeni. Nga ni misumba iyaongolwike mpiti nu kuisampa nu kusyala vitalang'anda, lolini lyene vino yati yaikuula cipya cipya, nu kupindilizyako amalinga, nga na vino lyene antu yakwikala mwenemo.

Zakaliya 1:17

Ulundepo ukuuma imbila uti, “Yawe Wamaka yonsi walanda wati, ‘Mu misumba yane ii mulaya icuma icivule. Yawe nupya kwene alatekezya Zioni, nga nu kuleka umusumba wa Yelusalemu waamwa ukuti umusumba wane.’ ”