Yelemiya 33:26 - Amazwi Yakwe Leza 2013

²⁶ ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 33:26 Referans Kwoze

Yelemiya 31:37

“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Ezaya 54:8

Natazile nakufisa usyu wane pa kasita kanono, pano nalunkwime sile uku cipyu. Lelo ninkuyela uluse pamulandu ni citemwiko cane ca pee. Ivyalanda Yawe Katuula wako.

Loma 11:32

Pano antu yonsi yaya akuntayela Leza, uli mulandu uno wayacita wa anyepwe. Lelo wene akacita cii, pakuti angayela antu yonsi mizu.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Ezila 2:70

Yasimapepo, aina Levi, yakiimba, yakalinda ya mpongolo na aomvi amu Ng'anda ikulu yakwe Leza ikala umu misumba yao kololo, pamwi na antu yamwi yauze. Nga aina Izlaeli asyala yene ikala cila yano umu musumba wao kololo.

Ezila 2:1

Fwandi yaa ali mazina ya antu awelulwike mu mpanga yao ukufuma mu uzya, apacisila ca kusendwa mu uzya kuli Nebukadineza, mwene waku Babiloni. Yaweluluka uku Yelusalemu mu mpanga yakwe Yuda. Cila muntu umu musumba wakumwao.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 33:24

“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Masamu 126:1

Lino Yawe wawelulwisye yayo asenzilwe uzya uku Yelusalemu, cali wa ciloto!

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.