Yelemiya 33:24 - Amazwi Yakwe Leza 2013

²⁴ “Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Yelemiya 33:24 Referans Kwoze

Masamu 83:4

Yene yakuvwanga yati, “Katwapita tuye tukalovye umutundu wao onsi, apakuti izina lya ina Izlaeli likililikwe.”

Ezekelo 37:22

Ndayuminkanya pamwi apakuti yakaye umutundu sile onga umu mpanga, umu myamba yamu Izlaeli. Yalakwata umwene sile wenga awino alayateeka, kutalaya nupya imitundu iili nu wene wao utalapatukana paili foo.

Ezekelo 36:2

yano ne Yawe nkuvwanga ukuti anisi ya ina Izlaeli yalazanga yati, ‘Eya! Imyamba yampiti ilya yaya icuma citu.’

Ezekelo 26:2

“We mwana wa muntu, antu amu musumba wa Tuli yakalaizya ni nsansa yati, ‘Eya! Umusumba wa Yelusalemu uno tukacimvyanya nao ku vyauculuzi watiuongoloka ni mpongolo zyakweo zisile mwanku. Navino Yelusalemu watacimba, awe lyene swemo tumaya akama!’

Ezekelo 25:3

Kayanene pakuti yatezye vino ne Yawe nkuyanena. Nemo nkuyanena inti mwemo mwasansamuka pakulola vino yakowezya incende yane yamuzilo yakumpepelamo, mwatemwa ukulola vino impanga ya Izlaeli yononeka, na pakulola kuno aina Yuda yasendwa uzya.

Nyimbo zya ndosya 4:15

Antu yalaizyanga ala yakuti, “Senkini! Mwemwe yakowele! Funtukini! Funtukini! Mutatukumya!” Acino nayo ali vino yafumile nu kuutukila ku inamasi, nga kusi umwi uwayazengile.

Yelemiya 30:17

Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

Masamu 94:14

We Yawe, utange utazyele antu yako, utange usumbe antu ali yakwako mpo.

Masamu 71:11

Yene yakati, “Leza watamutazyela, katukalaufye uleke tumuleme, pano kusi nanti wenga uwakuti amupokolole kweneko!”

Ezaya 7:17

“Yawe alamufisya uku manda akucululuka wakwe cimwi, mwemwe kumwi na akazi kako na antu yako. Amalanda yayo yano yatatala yamufikila ukutandikila sile lino uwene wa ina Izlaeli wapalukine nu wene waku Yuda. Wasya ace akupundilile umwene waku Asilya.

Ezaya 11:13

Uwene wakwe Izlaeli utalakwatila Yuda uzuwa nupya. Yuda nawe kwene atalaya umwanisi wakwe Izlaeli.

Yelemiya 3:7

Nemo ne Yawe nelenginye ukuti apacisila cakucita vivyo vyonsi wene alaweluluka kunondi, lelo atacita cico. Na Yuda kwene kaci wakwe, cizelele muze waciweni cico.

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.

Yelemiya 31:37

“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.

Yelemiya 33:23

Nga nupya Yawe anena Yelemiya ati,

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 51:5

Pasi pano ne Yawe Wamaka yonsi, ne Leza wao, ntatazyela Izlaeli nanti Yuda, nanti angala yene yifya kunondi, ne Wamuzilo wilya wakwe Izlaeli.

Ezekelo 36:20

Lyene nupya konsi kuno yala yaya, nako kwene yasincindika awe. Na antu yonsi yakavwanga pamulandu wao yati, ‘Antu yaa ali yano Yawe wazinzile mu mpanga ino wene wayapile.’

Ezekelo 37:11

Alino Yawe anena ati, “We mwana wa muntu, ala aina Izlaeli yaya wa mafupa yaa. Yene yakati, ‘Swemo tuuma solokoto wa mafupa kwene yayo, nu upaalilo kutacikweti, foo; Twala twalowelela sile.’

Masamu 83:5

Yatiyapangana nupya yatiyuvwana ukwiza uku kulwisya.

Yelemiya 31:36

Ivipope vino natantika ndi vyafuma pa manso yane, ale uluko lwa ina Izlaeli nalo kwene lwalowa, lwata ukuya umutundu wane.” Ivyalanda ne Yawe.