Yelemiya 33:18 - Amazwi Yakwe Leza 2013

¹⁸ Nupya insita ili yonsi, kulaya lyonsi yasimapepo aina Levi akwimilila apa mulola wane, nu kuntuula amawila yakoca yakwe wiyo umusuma, nga ni mituulo ya vilyo pamwi na mawila yauze asyala.”

Yelemiya 33:18 Referans Kwoze

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Ezekelo 45:5

Nupya mulaya incende nayuze, nayo kwene ilaya amakilomita 12 na citika, nu mu kusalala namo amakilomita yasano. Incende iyo ilaya ya ina Levi alaomba imilimo mu Ng'anda yane ikulu, kuli kuti umulaya imisumba yao muno yalaikalamo.

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Malango 18:1

“Yasimapepo aina Levi, yene yatalinzile kupelwa icipande icili consi ca mpanga mu Izlaeli. Mu cifulo cakwe cico, yene yali nu kupelwa amawila akocela Yawe, pano ali vyaupyanyi vyao.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”

Mpendwa 3:5

Yawe anena Mose ati,

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

Yoswa 3:3

nga yapeela ilamulo ku antu yati, “Lino mwaca mwalola yasimapepo aina Levi yasenzile Mbokosi ya Upangano yakwe Yawe Leza winu ku nkolelo, namwe kwene mulinzile ukukatuka musye vifulo vinu muilondelele pacisila.

Ezila 3:5

Alino ukulunda pa mpolelwa kwene zyakoca cila wanda, yapeelanga na pa manda yaya atantikwa insita zyonsi, ku ndoleko ya mwezi, alino na mawila apa manda akulu yonsi asontwe nga na yano yapeelanga kuli Yawe uku kuitemelwa kwao.

Yelemiya 33:19

Alino Yawe anena Yelemiya ati,

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Yelemiya 35:19

Yawe Wamaka yonsi, Leza wa ina Izlaeli akuti Yonadabu umwana wakwe Lekabu atalatala aulilwe umuntu wa kumutumikila.”