Yelemiya 33:17 - Amazwi Yakwe Leza 2013

¹⁷ Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Yelemiya 33:17 Referans Kwoze

1 Yamwene 2:4

Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

1 Yamwene 8:25

Nga lelo we Yawe, Leza wa ina Izlaeli, nakupapata walukusunga amalayo yako yano walavile tata Davidi, uti, ‘Lyonsi sile ana yako aliyo yalaya aene amu Izlaeli. Cikulu sile yalondela ivisuma ndi vino wemo ukacita pa manso yane.’

Yelemiya 35:19

Yawe Wamaka yonsi, Leza wa ina Izlaeli akuti Yonadabu umwana wakwe Lekabu atalatala aulilwe umuntu wa kumutumikila.”

1 Milandu 17:27

Acino nkukulenga kuti upolelele amu mupanda wane ne muomvi wako, kuti yatwalilile ukuya nu longo umuyayaya. Pasi pano we Yawe wayapolelela mpiti, nga yalaya apolelelwe umuyayaya.”

2 Samueli 3:29

Si uvunuko uu uwa utazi wa katwe uye pali Yoabu na aluko lwakwe! Si nupya insita yonsi umu aluko lwakwe muce mwaya aonsi aula uwonsi, na kuti yace yafwila umu nkondo, nanti muye akasu atakweti ivyakulya.”

Yelemiya 17:25

Alino lyene aene yao ni ntunguluzi yalingila pa mpongolo zya musumba wa Yelusalemu na maka ya kuteeka ali yamwi na yano Davidi wakweti. Aene kwene yayo pamwi ni ntunguluzi zizi, pamwi na antu aikazi amu Yuda na amu Yelusalemu yaliza ale yakwezile pa maceleta na pa mfwalasi, nga mu musumba wa Yelusalemu mulaya antu avule pee na pee.

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

2 Samueli 7:13

Mwana wako ali wino alankuulila ing'anda, nani ndalenga kuti ana yakwe yace yalondekana ukuya aene, amanda pe.

2 Yamwene 11:2

Kwapuswike sile Yoasyi. Nupya nawe kwene kwasile sile kwempe, ngano yamukomile pamwi nauze. Uwamupuswisye sile a Yeosyeba nyinasenge. Yeosyeba wiyo wali umwana wakwe Yolamu nupya wali a kaci wakwe Aaziya. Yeosyeba wapuswisye Yoasyi mwi umba lya ana ya mwene yao yano yakomolwanga, nga aya amufisa pamwi nu mulezi, mu muputule wa kulala mwenemo. Umuputule uo wayelile mu ng'anda yaku pepela mwenemo, mumo muno Ataliya atange amulole nu kumukoma.

Masamu 132:12

Ndi cakuti ana yako aonsi yaca yamasunga upangano wane nu kuwaka amasunde yano nayasambilizya, ale lyene ana yako aonsi yalaya impyanyi zyako umuyayaya.”