Yelemiya 33:16 - Amazwi Yakwe Leza 2013

¹⁶ Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Yelemiya 33:16 Referans Kwoze

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Loma 11:26

Vii, ali vino aina Izlaeli yalatuulwa. Ndi vino calembwa mu malembelo cati, “Katuula alafuma mu Zioni nu kusisya ukakasi onsi kufuma pa vizikulula vyakwe Yakobo.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Ezekelo 38:8

Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’