Yelemiya 33:13 - Amazwi Yakwe Leza 2013

¹³ Nupya yakacema yalapendelamo imfwele zyao umu misumba ya mwisika lya myamba, umu misumba yaku Negebu, umu citungu cakwe Benjamini, nga nu mu misumba ino yazinguluka Yelusalemu kumwi ni misumba ya muno mpanga yamu Yuda. Ica cumi anene ne Yawe navwanga.”

Yelemiya 33:13 Referans Kwoze

Aina Levi 27:32

Yonga pa nyama zyamu viteekwa ikumi iyakwe Yawe. Lino inyama zizyo zikupendwa, cila nyama yalenga ikumi iyakwe Yawe.

Luka 15:4

“Umwi uwa munomuli ndi wali ni mfwele mwanda, nga waponzya yonga uzye akacita uli? Akasya zyonsi makumi fundimbali na fundimbali, apita kukulonda yonga iyati ponga suka aiizane.

Yelemiya 17:26

Alino nupya antu ukufuma mu misumba yamu Yuda nu mu misumba yazinguluka Yelusalemu, umu mpanga yakwe Benjamini, mu mpanga ya mwisika lya myamba yaku Negebu, ukwiza ku kutuula vya mawila yakoca ni mpolelwa, amawila ya mbezu nu ubani nga na mawila ya kutaizya.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Ezekelo 20:37

Nemo ndamupisya mwisika lya ntuwa yane ya ucemi, nupya ndamuwezya sile ansokotwa.

Obadiya 1:20

Aina Izlaeli yano yali mu uzya yalikala mu mpanga ya Kenani mpaka ukufika nu ku uwondaka ku Zalefati. Aku Yelusalemu yano yali mu uzya ku Sefaladi yalikala mu misumba yaku katutu uku Negebu.