Yelemiya 33:12 - Amazwi Yakwe Leza 2013

¹² Nupya kwene Yawe Wamaka yonsi wavwanga wati, “Umu mpanga kwene ii ino icili kwati ulwanga, umu siikala umuntu nanti inyama, ala mulaya nupya umulemvwe umwakuti yace yacemelamo iviteekwa.

Yelemiya 33:12 Referans Kwoze

Ezaya 65:10

Yene yalampepa, yalacema imfwele zyao ni ng'ombe zyao umu nyika yaku Syaloni, yayela lwaku uwondaka alino nu mu cifoloma ca Akoli, lwaku ufumondaka.

Yelemiya 51:62

Alino uce ukonkomezye sana uti, ‘Yawe wavwanga ndi vino ali nu konona incende ii, mutalasyala nanti ca umi cimwi. Antu yonsi kumwi ni nyama kwene. Ilasyalilila wa lwanga amanda pe.’

Yelemiya 36:29

Nupya pamulandu wakwe Yeoyakimu umwene wa ina Yuda, uvwange uti, “Yawe akuti watuoca kalata wii uti, ‘Icani cino walembela amazwi akuti umwene waku Babiloni aliza mu cumi, alonona impanga ii nu kuisya umwaula umuntu nanti inyama?’

Yelemiya 31:24

Yuda ni misumba yakwe yonsi, alimi na yano yakazeuluka na maufyo ya viteekwa, yalikala mu mpanga kwene ii.

Yelemiya 17:26

Alino nupya antu ukufuma mu misumba yamu Yuda nu mu misumba yazinguluka Yelusalemu, umu mpanga yakwe Benjamini, mu mpanga ya mwisika lya myamba yaku Negebu, ukwiza ku kutuula vya mawila yakoca ni mpolelwa, amawila ya mbezu nu ubani nga na mawila ya kutaizya.

Lwimbo lwakwe Solomoni 1:7

Nena, we mukundwe wane. Uzye aukwi kuno umatungulula ufyo wako ku kucema? Uzye aukwi kuno ufyo wako umatulila umusanya pakasi? Uzye icani cino ningakulondela mu maufyo yakwe yakacema yauze?

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Yelemiya 50:6

“Antu yane yali wa mfwele ziponge, yakacema yao ali yano yayaponzizye. Yayasile yakuzeuluka mu mpanga, yakululumba ukufuma ku mwamba uu yaya ku mulundu uze. Yasuka yaponga ni kola lyao lyampomvu.

Hagai 1:4

“Mwe antu yane uzye mwemo icamuzipila icani apakuti mwemo mwaikala umu mang'anda inu ausaka lino Ng'anda yane ikulu ili icipompa?”

Ezekelo 36:35

Nga alino yonsi yalavwanga yati, Silolini ivyalo ivyali mpiti ulwanga, lolini lyene vino vili wa calo ca Edeni. Nga ni misumba iyaongolwike mpiti nu kuisampa nu kusyala vitalang'anda, lolini lyene vino yati yaikuula cipya cipya, nu kupindilizyako amalinga, nga na vino lyene antu yakwikala mwenemo.