Yelemiya 33:11 - Amazwi Yakwe Leza 2013

¹¹ utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yelemiya 33:11 Referans Kwoze

1 Milandu 16:34

Taizini Yawe, pano wene umusuma. Ukutemwa kwakwe ukwa manda pe.

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 107:1

Taizini Yawe, pano wene umusuma. Ukutemwa kwakwe ukwa manda pe.

Masamu 106:1

Lumbanyini Yawe. Taizini Yawe, pano wene umusuma. Ukutemwa kwakwe ukwa manda pe.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

2 Milandu 29:31

Lyene Hezekiya avwanga ati, “Ndakai mwatimuiswefya mweisikulu kuti muombe umulimo wakwe Yawe. Acino palamilini kuno, mulete impolelwa na mawila inu akutaizya uku Ng'anda ikulu yakwe Yawe.” Nga antu yonsi yano imyenzo yao ikasi yaleta amawila yakoca.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

1 Milandu 16:8

Taizini Yawe, lumbanyini ukulu wakwe. Nenini inko ivyakuzunguka vino wene wacita.

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Ezaya 52:9

Pundini capamwi ni nsansa, mwe vitalang'anda vyamu Yelusalemu, pano lyene Yawe watamyalalika antu yakwe yano yakukuulula Yelusalemu.

Masamu 116:17

Namakutuula impolelwa yaku kutaizya nu kutuula ipepo lyane kunuli.

2 Milandu 7:3

Apakulola icintu cico ica moto uwati upona ukufuma ukwiyulu, nu ucindami wa luswepo lwakwe Yawe, aina Izlaeli yonsi iyakontama suka ivinso vyao vifika na pansi apa ntampulo zya ukwelelo, nu kupepa ala yakutasya Yawe, yati, “Endi Yawe umusuma pasi pano ukutemwa kwakwe kusisila, lelo kukatwalilila umuyayaya.”

Zakaliya 10:7

Aina Izlaeli yalakolana na asambazi, yalasansamuka wa antu amwile waini. Ana yao yalaiusya vino ivikolwe vyao vyacimvizye, nu kusansamuka nayo yalasansamuka, yalazanga pakulola vino ne Yawe nacita.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Yona 2:9

Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 25:10

Utupundu twinu twa luzango nu kusansamuka, nemo namatumalila namapuulamika na matwi yakwe yasiwinga na yanawinga. Namamyalalika ni cilulumo ca mawe yakusiila kweneko nu kuzimya inkozyo zinu.

Yelemiya 16:9

Pano Yawe Wamaka yonsi, Leza wa ina Izlaeli wavwanga wati, “Lola ndafumya umu ncende ii, apa manso inu izwi lya nseko ni izwi lya nsansa, izwi lyakwe siwinga ni zwi lyakwe nawinga.

Neemiya 12:43

Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Ezila 6:22

Apa manda cinimbali aina Izlaeli iyazevya nu luzango Cimulo ca Mukate usi na citutumusi, pamulandu wakuti Yawe walenzile kuti yazange apakutonsya umwenzo wa mwene waku Asilya kuti ayakomelezye umu mulimo wa kukuula Ng'anda ikulu yakwe Yawe, Leza wa ina Izlaeli.

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

2 Milandu 20:21

Lino yatandika ukuuzyanya pakasi kao, alino yasozile yamwi akwimbila nu kulumbanya Yawe, yene ala yatiyazwala ivitiswe, na yakatungulula ala yakuvwanga yati, “Lumbanyini Yawe, pano ulukundo lwakwe lusisila, lelo ulwa manda pe.”

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Yelemiya 17:26

Alino nupya antu ukufuma mu misumba yamu Yuda nu mu misumba yazinguluka Yelusalemu, umu mpanga yakwe Benjamini, mu mpanga ya mwisika lya myamba yaku Negebu, ukwiza ku kutuula vya mawila yakoca ni mpolelwa, amawila ya mbezu nu ubani nga na mawila ya kutaizya.

Yelemiya 30:19

Ali muno mulaafuma inyimbo zyakulumbanya nu kupunda kwa nsansa. Ndayavuzya yatalatala yacepe foo. Ndayacindamika yatalasulwa foo.

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Masamu 85:7

Ala utuyeleko sile uluse, we Yawe, utupususye nu kutupususya.

Masamu 147:13

Pano wene akakomya imikolongelo ya mpongolo zyako. Wene akapolelela na ana yako.

Ezaya 52:8

Uvwa kuno yakalinda yasanzula izwi, yapunda capamwi ni nsansa, pano yasimpana amanso na Yawe lino akuswilila ku Zioni.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.