Yelemiya 32:43 - Amazwi Yakwe Leza 2013

⁴³ Alino antu yalakala ivyalo mu mpanga mukasi. Ulwanga umusiikala umuntu nanti inyama, cati cisumbwa mu makasa ya ina Babiloni.

Yelemiya 32:43 Referans Kwoze

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Yelemiya 32:36

Caleka fwandi, apamulandu nu musumba uno mukati inkondo ni cipowe ni mpungo vilauponela, nu kusumbwa mu makasa ya ina Babiloni, Yawe Leza wa ina Izlaeli wavwanga wati,

Yelemiya 33:10

Nupya Yawe wavwanga wati, “Antu yakuti impanga ili wa mpanga muno musiikala umuntu suka sile inyama zya mpanga. Ee kwene umu cumi, umu mizi ya muno mpanga ya Yuda nu mu miseo yamu Yelusalemu, musikuloleka umuntu nanti nyama foo. Lelo ukuya kwene muluvwika nupya,

Yelemiya 32:25

Lelo kwene we Yawe Simwandalali, awewe wanenyile uti, ‘Kala icalo ni mpiya apa manso yakwe yakambone, nupya umusumba wapelwa mu makasa ya ina Babiloni!’ ”

Yelemiya 33:12

Nupya kwene Yawe Wamaka yonsi wavwanga wati, “Umu mpanga kwene ii ino icili kwati ulwanga, umu siikala umuntu nanti inyama, ala mulaya nupya umulemvwe umwakuti yace yacemelamo iviteekwa.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”