Yelemiya 32:40 - Amazwi Yakwe Leza 2013

⁴⁰ Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Yelemiya 32:40 Referans Kwoze

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

2 Samueli 23:4

wene akoline wa micalalazi yi lanzi akatondo lino kusi amakumbi, ilanzi lino likalenga isote ukukula ningo, pacisila lino imvula yatonya.”

Ayebulai 7:24

Lelo Yesu uwa umi manda pe, nu mulimo wakwe uwa usimapepo usyatolwa nu muntu muze.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

Malango 31:8

Yawe umwisikuli amamukolelelanga nupya amayanga namwe. Atalatala amusye nanti ukumutazyela. Mutuvwa intete nanti kutovoka.”

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Ezekelo 37:26

Umuomvi wane Davidi ali wino alayateeka pee na pee. Ndapangana nayo upangano uwakuti yace yasininkizya ndi vino yalaikala amanda pe umu longo. Ndayasandulula pakuti yace yakaye nyanya, nupya nemo ndasonta ni ncende yonga iya kumpepelapo umu mpanga yao, nu kuyelelela ali muno ice iyelele pee.

Masamu 80:19

Sungatuswilizya mwenemo, we Yawe Leza Wamaka yonsi! Tulolekesye luse luse apakuti tupusuke!

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.