Yelemiya 32:39 - Amazwi Yakwe Leza 2013

³⁹ Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Yelemiya 32:39 Referans Kwoze

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Ayebulai 10:20

Wene watuyulila inzila ipya kupitila mu cisalu ca kucinga, kuli kuti kupitila mu mwili wakwe.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Mapinda 23:17

Utazuwila yakaifya umu mwenzo wako, wemo uwaopa sile Yawe amanda yonsi.

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

1 Kolinto 7:14

Umonsi atataila nawe kwene akaya mwina Leza lino wasakwa ku mwanaci mwina Klistu. Nu mwanaci kwene atataila akaya mwina Leza lino wasakwa ku monsi mwina Klistu.

Milimo 13:33

Ndi vino Leza walavile vikolwe vitu, avino naswe watatucitila, swe ana yao, pa kulenga Yesu azyukuke kufuma ku afwe. Ndi vino calembwa mu ciputulwa cakwe ciili ca Masamu, cati, ‘Wewe Mwanane, ilelo naya nene ndi so.’

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Ezekelo 37:22

Ndayuminkanya pamwi apakuti yakaye umutundu sile onga umu mpanga, umu myamba yamu Izlaeli. Yalakwata umwene sile wenga awino alayateeka, kutalaya nupya imitundu iili nu wene wao utalapatukana paili foo.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Ezaya 52:8

Uvwa kuno yakalinda yasanzula izwi, yapunda capamwi ni nsansa, pano yasimpana amanso na Yawe lino akuswilila ku Zioni.

Masamu 128:6

Yaa nu umi utantalile kuti uce ukalole vizikulula vyako. Mutende uye kunuli we Izlaeli.

Masamu 112:1

Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Malango 6:24

Lyene alino Yawe Leza witu watupeezile ilamulo kuti twayela amasunde yaa yonsi nu kumucindika. Ndi twacita vii, ale lyene lyonsi kwene alawaka uluko lwitu nu kulupeela ulongo.

Masamu 86:11

We Yawe, unsambilizye ukucita vino ukalonda pakuti nakutontelela mu mipitile yane na pakuti naoopa izina lyako.

Ezaya 65:23

Yatalaicuzya sile ukuomba foo, yatalavyala ana yano yangayaletelela, apamulandu wakuti yene yalaya uluko lumwi ulupolelelwe kuli Leza kumwi na ana yao kwene.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.