Yelemiya 32:38 - Amazwi Yakwe Leza 2013

³⁸ Alino lyene yalaya umutundu wane, nani ndaya Leza wao.

Yelemiya 32:38 Referans Kwoze

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Umbwilo 21:7

Wino wensi alacimvya nemo ndaya Leza wakwe nawe alaya umwana wane.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Masamu 144:15

Walongo wakwe cimwi umutundu uno wasyukila vyonsi vii. Walongo umutundu uno Leza ali Mwene wauko.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Ezekelo 36:28

Mulaikala mu mpanga ino napiile ivikolwe vinu. Mulaya antu yane sile nenga, nga nani ndaya Leza winu.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Yelemiya 30:22

Alino mwemo mulaya umutundu wane nga nani ndaya Leza winu.

Ezekelo 39:22

Ang'anda yakwe Izlaeli nayo yalamanya ukuti nene indi Leza wao, ukutandikila pa wanda kwene uwo nu kuya ku nkolelo.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Ezekelo 39:28

alino yalamanya ukuti nene indi Yawe Leza wao. Lilyo lino ndapususya azya ku mitundu nu kuyakolonganika mu mpanga yao ukwaula kusya nanti wenga.

Malango 14:23

Alino muce mwaya pa ncende yonga sile ino Yawe wasolola ukuti ingaya incende ya cifulo ci zina lyakwe. Kuko kwene pa manso yakwe Yawe Leza winu ali kuno mungaliila icipande conga pa vintu ikumi ivya uzombozi winu, ivili wa vilimwa, waini, amafuta ya miolivi alino na mayeli ya ng'ombe zinu ni mfwele. Muce mwacita vivyo pakuti musambilile ukulanga icoopo kuli Yawe Leza winu mu nsita zyonsi.

Ezaya 65:23

Yatalaicuzya sile ukuomba foo, yatalavyala ana yano yangayaletelela, apamulandu wakuti yene yalaya uluko lumwi ulupolelelwe kuli Leza kumwi na ana yao kwene.

Ezekelo 16:60

Lelo kwene ndiusya upangano uno napangine nawe, lino wali umwance, nupya ndapangana nawe upangano wakuyelelela pee.

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.