Yelemiya 32:37 - Amazwi Yakwe Leza 2013

³⁷ “Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 32:37 Referans Kwoze

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ezekelo 11:17

“Caleka uyanene vino, ne Yawe Simwandalali, nkulanda. Nemo ndayakolonganika ukufuma mu mpanga muno nayasalanganyizizye, nu kuyawezezya impanga ya Izlaeli.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Zakaliya 14:11

Antu yalikala kuku ku matwi cele, kutalaya nupya ica kuyofya ku kononwa nupya.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Yowelo 3:20

Lelo uku Yuda kwene antu yalayelelela umuyayaya, nga uku Yelusalemu kutalaulwa antu mu nkulo zyonsi.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Yelemiya 16:14

Nga lelo Umwene wavwanga wati, “Lola amanda yaliza lino yalata ukulapa yati, ‘Umwi zina lyakwe Leza waumi uwafumizye aina Izlaeli mu mpanga ya Eguputo.’ ”

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yelemiya 24:6

Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Ezekelo 28:25

Yawe Simwandalali wavwanga wati, ‘Lino ndafumya aina Izlaeli mukasi ka mitundu muno yayasalanganyizizya, nu kuyakolonganika, alino ndalanga ucindami wane pa manso ya mitundu muli cii cakuti, yalikala mu mpanga ino napiile muomvi wane Yakobo.

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Ezekelo 20:34

Ndamulanga vino nemo naya na maka na vino nkasoka, lino ndamufumya mu mpanga zyonsi muno yamusalanginye, pakuti nkamukolonganike pamwi.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”