Yelemiya 32:35 - Amazwi Yakwe Leza 2013

³⁵ Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 32:35 Referans Kwoze

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

2 Yamwene 23:10

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.

1 Yamwene 16:19

pamulandu wa maifyo yano wene wacisile, apakucita iviipe pa manso yakwe Yawe. Wene walondelanga imisango yiipe yakwe Yeloboamu, nu mwi ifyo lino walenzile aina Izlaeli ukwifya.

Ezekelo 23:37

Yene yacita umulandu wa ucizelele, ni minwe yao yasalipa. Yene yacitanga ucizelele nu tuluwi twao. Yapisyanga na ana yao yano yaivyalile, mu moto apa kuyoca.

Ezaya 57:5

Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.

2 Milandu 33:9

Lelo Manase alenga antu amu Yuda ukwifya iifyo limwi ilikulu wakwe cimwi ukuluta na vino imitundu ino Yawe wazinzile yaifizye.

2 Yamwene 23:15

Yosiya wononyile ni ncende ya kupepela mwenemo utuluwi, iyayelile mu musumba wa Betele, ino Yeloboamu umwana wakwe Nebati wakuuzile. Yeloboamu wiyo uwalenzile ukuti aina Izlaeli yonsi nayo yaifya. Yosiya atamola utuvuwa tonsi, kumwi namawe kwene yano yakuulile ayasyunola nu kuyasyunola. Nupya ayoca kumwi nu lucesi ulu cindame sana luno yaomvyanga apa kupepa Asyela.

2 Yamwene 21:11

“Manase umwene waku Yuda watacita ivintu vii iviipe ivilusile vino aina Amoli yacita, yayo amukolelile. Nupya aliwe kwene uwalenga kuti aikazi amu Yuda yaifya apa kupepa utuluwi twakwe.

2 Yamwene 3:3

Lelo nanti cali vivyo wene wemelile ku kucita iviipe ndi vino Yeloboamu, umwana umonsi wakwe Nebati wacitanga, vivi kwene vino walenzile aina Izlaeli ukucita. Nupya atatiile ukucita vivyo awe.

1 Yamwene 21:22

Namakulovya pamwi na akazi kako wakwe vino nalovizye Yeloboamu umwana umonsi wakwe Nebati pamwi na akazi kakwe. Na vino cali ku ang'anda yakwe Baasya umwana umonsi wakwe Aiya, pamulandu wakuti wemo wavundola umwenzo wane nu kulenga kuti aina Izlaeli yifye.’

1 Yamwene 15:30

Vintu vii vyacitike pamulandu wa maifyo yakwe Yeloboamu yano walenzile na ina Izlaeli kwene ukwifya, nu kulenga kuti Yawe, Leza wa ina Izlaeli asoke.

1 Yamwene 15:26

Wene wifyanga pa manso yakwe Yawe, nu kulondela umu nzila zyakwe isi nu mu maifyo yakwe yano walenzile aina Izlaeli ukwifya.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

Malango 24:4

ndi cakuti caya vivyo, iya wankolelo atalinzile kumuwezya pa ng'anda nupya. Lelo alinzile ukumulola wa muntu mukowele. Ndi cakuti camukola wamuwezya, ale wene wifya pa manso yakwe Yawe. Mutalinzile ukucita iifyo lya musango uwo mu mpanga ino Yawe Leza winu akumupeela iye iyakwinu.

Malango 18:10

Mutakezye kuleka umwi uwa munomuli azanwe akupeela umwana wakwe umonsi nanti umwanaci impolelwa pa moto pa kavuwa, nanti kusapola nanti ukucita vya uncimya nanti vya ulozi

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

Milimo 7:43

Lyali itaalu lyakwe Moloki leza winu alino mwasendanga, nga nu lutanda lwakwe Lefani leza winu. Yaa yaili yali utuluwi tuno mwapanzile nu kutupepa. Caleka nani ndaleka yamusende kutali ukucila musumba wa Babiloni.’

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Yelemiya 19:2

Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

2 Yamwene 21:4

Wene wakuuzile nu tuvuwa umu Ng'anda ikulu yakwe Yawe, apa ncende ino Yawe wavwanzile ukuti ali pano yali nu kumupepela penepo insita zyonsi.

2 Milandu 36:14

Alino akalamba yonsi yasimapepo kumwi na antu kwene yalunduluka ukuntaya acumi, yala yakulondela imisango iipe ya mitundu yuze iyazingulwike. Umu mipepele ya tuluwi, iyasuka yakowezya ni Ng'anda ikulu yakwe Yawe ino Yawe umweneco wacisile ukuya iyamuzilo.

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.