Yelemiya 32:34 - Amazwi Yakwe Leza 2013

³⁴ Nanti umu ng'anda ikulu ya mapepo, ino ikaamilwa umwi zina lyane, iika mwenemo ivintu vimwi vyakuzunguka vyamankowezya.

Yelemiya 32:34 Referans Kwoze

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Yelemiya 23:11

Yakasema kumwi na yasimapepo nayo kwene yatiyasuula Leza. Natinjazanikizya yakucita ivitazifile umu ng'anda yane kwene.

2 Milandu 33:15

Umu Ng'anda ikulu yakwe Yawe, namo afumya utuluwi tonsi twakwe tuleza utwenyi ni vyakukolanya vyonsi ivyali mwenemo. Afumya utuvuwa tuno wakuuzile apapela ya kamwamba kano yakuuzile penepo Ng'anda ikulu pamwi nu mu ncende zyonsi umu Yelusalemu. Alino avisumbila ukunzi ya musumba.

2 Yamwene 23:6

Yosiya afumya nu lucesi lucindamisye umu Ng'anda ikulu yakwe Yawe, luno yapepanga apa kucindika Asyela. Nalo kwene alusenda ukunzi ya musumba nu kulutwala uku Cifoloma ca Kiduloni, akuno yaya yalocela. Ni itwi alisansantila apapela ya malindi kuno yakazika umuntu ali wensi.

2 Yamwene 21:1

Manase wali sile ni myaka yakuvyalwa ikumi na iili apa nsita ino watandike ukuteeka, nga wateesile mu Yelusalemu imyaka amakumi yasano na isano. Nyina wali a Hepeziba.

Yelemiya 7:10

Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 34:15

Mwemo umwilelo mwaiyelako, mwacita icilungame apa manso yane, apa kuuma imbila, iyakuti cila muntu alinzile wapeela umuze untungwa. Mwapangana nu upangano apa manso yane umu ng'anda ikulu iyakumpepelamo, ikaamilwa umwi zina lyane.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

2 Milandu 36:14

Alino akalamba yonsi yasimapepo kumwi na antu kwene yalunduluka ukuntaya acumi, yala yakulondela imisango iipe ya mitundu yuze iyazingulwike. Umu mipepele ya tuluwi, iyasuka yakowezya ni Ng'anda ikulu yakwe Yawe ino Yawe umweneco wacisile ukuya iyamuzilo.

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.