Yelemiya 32:33 - Amazwi Yakwe Leza 2013

³³ Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 32:33 Referans Kwoze

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Ezekelo 8:16

Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Yelemiya 18:17

Ndasalanganya antu yane inkolelo ya anisi yao, wa lukungu ulwatiluululwa nu muza waku ufumondaka. Ndayafutatila nupya ntalayazwilizya, lilyo lino uzanzo ulayaponela.”

Yobo 35:11

Aliwe kwene akatusambilizya ivintu ivivule ukuluta vino akasambilizya inyama zya mpanga, nu kutulenga ukuya na mano ukuluta ivyunyi vyamu lwelele.

Yelemiya 35:13

“Yawe Wamaka yonsi, Leza wa ina Izlaeli wavwanga wati, ‘Yanga ukanene antu yakwe Yuda na ikazi amu Yelusalemu ukuti, Uzye musyakulonda kupokelela ilamulo lyane nu kuvwa izwi lyane.’ Ivyalanda Yawe.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”