Yelemiya 32:32 - Amazwi Yakwe Leza 2013

³² apamulandu nu uyi wa ina Izlaeli na ina Yuda uno yansosizye umwenzo, aeneco kwene, yamwene yao, intunguluzi zyao, yasimapepo yao, yakasema yao, nga na antu amu mpanga yakwe Yuda na ikala muzi amu Yelusalemu.

Yelemiya 32:32 Referans Kwoze

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Yelemiya 2:26

Yawe wavwanga wati, “Vino umwivi akauvwa insonyi, ali vino ang'anda yakwe Izlaeli yalalemwa ni nsonyi. Ukutandikila sile kuli alio kwene, yamwene yao, inkombe zyao, yasimapepo yao kumwi na yakasema yao.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezila 9:7

Ukufuma ku nsita zya vikolwe vitu mpaka na ndakai twikalilila umu maifyo aipisye cuze. Pamulandu wakwe cii, sweswe kumwi na ene itu na yasimapepo itu twapelwa mu makasa ya ene ya inamasi, kuti yatulwisye yatutwale umu uzya, yatusampe nu kutuzewanya sana ndi vino cili manda yaa.

Danieli 9:6

Tutasumvileko amano ku kuvwa ku yaomvi yako yakasema, yano yasemile umwi zina lyako, kusemela yamwene, yakateeka ni vikolwe vitu, nga na antu yonsi amu luko lulu.

Ezekelo 22:6

Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Yelemiya 44:21

“Apa ubani uno mocelanga umu misumba yamu Yuda nu mu miseo yamu Yelusalemu, mwemwe pamwi ni vikolwe vinu, yamwene inu, intunguluzi zinu na antu amu mpanga, uzye mwemo mukwelenganya ukuti Yawe atamanyilepo cimwi, nanti mukuti wene wilila kweneko vwilini?

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?

Yelemiya 7:17

Uzye utakulola ivintu vino yakucita mu misumba yaku Yuda nga nu mu misolo yamu Yelusalemu?

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.