Yelemiya 32:30 - Amazwi Yakwe Leza 2013

³⁰ Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Yelemiya 32:30 Referans Kwoze

Yelemiya 25:7

Caleka lyene, Yawe pakukana uvwa kunoli, wavwanga wati, ‘Apa kukana yela amazwi yane, mwamvulumwila icipyu, fwandi lyene mwaikolomwela isyamo.’ ”

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Yelemiya 25:6

Mwemo yamunena ukukana pepa tuluwi tuleza tuze nanti sile ukutuombela alino nu kukana katusizya Yawe icipyu, pamulandu ni vicitwa vinu, ali pakukana iletelela.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.