Yelemiya 32:29 - Amazwi Yakwe Leza 2013

²⁹ Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Yelemiya 32:29 Referans Kwoze

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

Yelemiya 52:13

Wene aoca Ng'anda ikulu yakwe Yawe, isano lya mwene na mang'anda yonsi amu Yelusalemu.

2 Milandu 36:19

Alino aoca ni Ng'anda ikulu yakwe Leza nu kuwisya ilinga lya musumba wa Yelusalemu kumwi na masano kwene nu konona ivintu vyamutengo ivyali mwenemo.

Yelemiya 44:25

Yawe Wamaka yonsi, Leza wa ina Izlaeli akuti, ‘Mwe yamangu mwe, vino mwalaya apatunwa twinu mufwile mwavicita ni minwe yinu. Mukavwanga ndi vino mulafikilizya ivilayo vino mwalaya, ivyakocela Namwene wa Mwiyulu ubani, nu kumwitulwila uwila wa vyakumwa!’ Aleni fwandi mwalukuwaka ivilayo vinu nu kumwitulwila uwila wa vyakumwa!

Yelemiya 39:8

Aina Babiloni yoca isano lya mwene kumwi na mang'anda ya antu, nga yawisya na malinga ya musumba wa Yelusalemu.

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

2 Yamwene 25:9

Alino aoca Ng'anda ikulu yakwe Yawe, nga aoca ni sano kumwi na mang'anda ya antu yonsi acindame amu Yelusalemu.

Milimo 10:9

Pa wanda uwalondelela lino antu yaa yacili pa lwendo lwao lino yapalama ku Yopa, ilanzi umutwe papela (12 koloko), Petulo akwela pa ng'anda pipaala kuti akapepe.

Ayebulai 3:16

Uzye antu cii yano yuvwile izwi lyakwe Leza nu kumusangukila? Ayaya onsi yano Mose watungulwile kufuma mu Eguputo.

Neemiya 8:16

Caleka antu nayo yasalangana umu mpanga. Yaweluluka ni misambo ya mafwa yasakilizya insakwe, cila muntu apipaala lyakwe, pa musolo wakwe, pa musolo wakulilizya Ng'anda ikulu yakwe Leza, apa mulyango wa Mpongolo ya Manzi nga alino napa wingililo wa mpongolo yakwe Efulemu.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 32:3

Lyene ali muno Zedekiya umwene waku Yuda wamuyalile nu kumunena ukuti cani cino ukusema ukupelwa kwa musumba uu mu makasa ya mwene waku Babiloni?

Yelemiya 34:2

“Yawe Leza wa ina Izlaeli wavwanga wati! Pitanga ukanene Zedekiya umwene wa ina Yuda ukuti Yawe wavwanga ukuti wasya apeele umusumba uu umu makasa ya mwene waku Babiloni, wiyo wino alawooca mpaka uce ulokotele na pansi.

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?

Yelemiya 7:17

Uzye utakulola ivintu vino yakucita mu misumba yaku Yuda nga nu mu misolo yamu Yelusalemu?

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 52:12

Apa wanda walenga ikumi wa mwezi walenga isano, uwa mwaka walenga fundimbali wa wene wakwe Nebukadineza, umwene waku Babiloni, Nebuzaladani umukalamba wakwe yakalinda ya mwene waku Babiloni wingile mu musumba wa Yelusalemu.

Ezekelo 23:47

Lekini iumba lilyo lya antu lize liyatamole na amawe nu kuyakomola ku lupanga. Yakome na ana yao aonsi na anaci yoce na mang'anda yao.