Yelemiya 32:24 - Amazwi Yakwe Leza 2013

²⁴ “Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 32:24 Referans Kwoze

Yelemiya 33:4

Apa mulandu wa mang'anda ya muno musumba, na mang'anda ya mwene uwamu Yuda, yano yomololwa apa kuicingilila kweneko umu kutulumanya umusili ukwilinga, na kuli yano yakamukatusizya inkondo, Yawe Leza wa ina Izlaeli wavwanga wati,

Yelemiya 32:36

Caleka fwandi, apamulandu nu musumba uno mukati inkondo ni cipowe ni mpungo vilauponela, nu kusumbwa mu makasa ya ina Babiloni, Yawe Leza wa ina Izlaeli wavwanga wati,

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Yelemiya 32:3

Lyene ali muno Zedekiya umwene waku Yuda wamuyalile nu kumunena ukuti cani cino ukusema ukupelwa kwa musumba uu mu makasa ya mwene waku Babiloni?

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Yelemiya 52:6

Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Yelemiya 32:25

Lelo kwene we Yawe Simwandalali, awewe wanenyile uti, ‘Kala icalo ni mpiya apa manso yakwe yakambone, nupya umusumba wapelwa mu makasa ya ina Babiloni!’ ”

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

2 Samueli 20:15

Ivita vyonsi ivyali pamwi na Yoabu ivyuvwa ukuti Syeba ali kweneko. Acino iviza vizinguluka umusumba wa Abeli Beti Maaka. Alino iyakuula iciimbili icifika papeela yi linga, nga iyatandika ukwimba umwisika yi linga kuti yaliponye pansi.

Ezaya 37:33

Fwandi, ali mulandu kwene uno Yawe akuvwangila pa mwene mukalamba wa ina Asilya ati, ‘Senakalibu asikwingila mwenemo mu musumba uu, nanti sile ukufiika mwenemo uluceto. Pasikutala paloleke musika nanti wenga, wino amapalamila ku musumba nanti sile ukutuulumalika umutumba wivu pa kuuzinguluka.

Yelemiya 6:6

Vii ivyalanda Yawe Wamaka yonsi ati, “Temini imiti yakwe, mutuntumalike nu musili uku malinga yakwe Yelusalemu. Umusumba uu ulinzile kuvunukwa, pano mwazulamo sile ufi na kanyati katuputupu.

Yelemiya 20:5

Namaleka na anisi yako yasampe ni vyuma vyonsi ivyaya mu musumba uno wa mpanga ya Yuda kumwi na vyonsi vyamutengo ivyaya mwenemo. Vyuma vyonsi vyakwe yamwene yalavisenda ku Babiloni.

Yelemiya 29:17

Yawe Wamaka yonsi, wavwanga wati, “Ndayakatusizya inkondo, icipowe ni mpungo, nupya ndayacita wa masamvu aole aipisye cakuti kusi umwi wino angayalya.

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 32:5

Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Yelemiya 32:28

Fwandi vii ivyalanda Yawe, nasya mpeele umusumba uu mu makasa yakwe Nebukadineza umwene waku Babiloni, wiyo aamaupoka.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 52:4

Zedekiya wasangukile umwene Nebukadineza waku Babiloni, cakuti nawe Nebukadineza wizile ni vita vyakwe vyonsi ku kwiza lwisya umusumba wa Yelusalemu. Cali apa wanda walenga ikumi, mu mwezi walenga ikumi mu mwaka walenga ikumi uwa wene wakwe. Yizile yakuula insakwe zyao ukunzi ya musumba, yauzinguluka, yatulika imitumba yiivu iya kulwisizya anisi yao.

Ezekelo 26:8

Antu aikala mu mizi ino yafumamo, iyayela ku mulundu yalafwa ku ulapwa. Anisi yaliza yimbe amacinga monsi monsi yatuntumalike nu musili nu kukwimikila icakuicingilila ku vyanzo vyako.

Habakuku 1:10

Yene yakasausya yamwene nu kuzewanya intunguluzi. Kusi ilinga lili lyonsi ilingayalesya, pasi pano yene yakatulika amasenga akukwelelapo; nu kupoka umusumba uo uwi linga.

Ezekelo 4:2

Lyene utuntumalike ingalande ukulizizya umusumba uo. Ukuule ni mpungu zyakuucevezya nu kwimika insakwe zya kuulwisya, alino ni vyaku uongolwela.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.