Yelemiya 32:22 - Amazwi Yakwe Leza 2013

²² Nupya wayapile impanga ii ino walavile ku vikolwe vyao apakulapa umulapo, impanga muno mukavovomoka iziya nu uci.

Yelemiya 32:22 Referans Kwoze

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Ezekelo 20:15

Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Malango 8:1

“Cenjelini muyele amasunde yonsi yano natimupeela ilelo, pakuti muye nu umi, musande mu mpendwa, nga mupoke nu kwikala mu mpanga ino Yawe walavile ivikolwe vinu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 6:23

Yawe watufumizye mu Eguputo kuti atulete kuno nga atupeele impanga ii, wakwe vino walavile ivikolwe vitu ukuti ali nu kucita.

Malango 6:18

Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,

Malango 6:10

“Wakwe vino Yawe Leza winu walavile ivikolwe vinu, Abulaamu, Isaki, na Yakobo, avino wene alamupeela impanga umwaya imisumba ikulu wakwe cimwi iyapolelelwa ino mwemo mutakuuzile.

Malango 1:35

‘Kusi nanti wenga uwamu mukulo uu uwipe alingila mu mpanga ivunde ino nalavile ukupeela ku vikolwe vinu.

Mpendwa 14:30

Kusi nanti wenga alingila mu mpanga ino nalafile ukumupeela kuti mwaikalamo, suka sile Kalebu umwana wakwe umonsi Yefune nga na Yoswa umwana umonsi wakwe Nuni.

Mpendwa 14:16

ziti, ‘Yawe wakomile antu yakwe mu lwanga pamulandu wakuti waposiwe ukutwala antu yakwe mu mpanga ino wayalavile ukuyapeela.’

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 13:15

Mpanga yonsi ino walola ndapeela kunuli nu ku amu mupanda wako, nga ilaya iyakwako amanda pe.