Yelemiya 32:20 - Amazwi Yakwe Leza 2013

²⁰ Awewe wacisile ivimanyililo ni vipezyamano mu mpanga ya Eguputo nupya avino ukacita ukufika na pali ndakai mu ina Izlaeli nu mu antu yonsi. Wailonkela izina lino ukweti apilelo.

Yelemiya 32:20 Referans Kwoze

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Masamu 135:9

Watumile ivimanyililo ni vizungusyo apakasi kako we Eguputo, pali Falao napa aomvi yakwe yonsi.

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

1 Milandu 17:21

Uzye kwaya uluko pano nsi ulukoline na antu yako aina Izlaeli, yano we Leza waile ku kuyakulula kuti yaye antu yako kololo? Ivintu ivyakuzunguka nupya ivyakoofya, vino wemo wacisile, ivyalenzile kuti ulumbuke wakwe cimwi, apa kuzinga antu amu nko zizi pa manso ya antu yako, yano wakuulwile ukufuma ku ina Eguputo.

Malango 7:19

Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.

Malango 6:22

Twailolile na manso itu ivinjelengwe nga ni vintu ivyakoofya vino wene wacisile ku ina Eguputo nu ku mwene wao nga nu ku ntunguluzi zyakwe.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Kufuma 7:3

Lelo ndalenga Falao akome umwenzo cuze. Nanti angala ndacita vizungusyo vya maka vivule mu Eguputo, wene ataluvwa kunomuli.

Kufuma 3:20

Caleka ndaomvya maka yane nupya ndavunuka aina Eguputo ku vizungusyo vya maka vino ndacita kukwa. Pacisila cakwe vii, umwene wilya alamuzumilizya kuti mupite.”

Ezaya 63:14

Yaipitilanga sile aeneco kwati ing'ombe zino zikuya uku nyika, uku mulemvwe. Umucumi, Yawe aliwe waombanga. Fwandi ali vino Yawe watungulwile antu yakwe nu kuiletela umweneco ululumbi lwa cumi.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Malango 11:3

ni vinjelengwe vyakwe. Mwailolile ni vintu vino wacisile kuli Falao umwene waku Eguputo nu ku mpanga yakwe yonsi.

Neemiya 9:11

Wapaalwile yemba apa manso yao. Lyene uyatungulula yapita apakasi na nkasi apuume ndi. Lelo anisi yao ayalondelile yene wayasumba umwi ziya, wi we lino yavwintila umu luzi lwa mukuku.

Danieli 6:28

Acino Danieli aya nu longo mu manda ya utesi wakwe Dalyusi na wakwe Kilusi umwina Pesya.