Biblia Todo Logo
Bib sou entènèt

- Piblisite -




Yelemiya 32:18 - Amazwi Yakwe Leza 2013

18 Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Gade chapit la Kopi




Yelemiya 32:18
33 Referans Kwoze  

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.


Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”


Antu yonsi yavwanga yati, “Lekini mulandu wa mfwa yakwe wii uye panotuli na ana itu.”


Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.


Aina Izlaeli asyalapo yalaweluluka, asyalapo amu mutundu wakwe Yakobo, yalaweluluka kuli Leza Wamaka.


Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.


Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.


‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’


We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.


Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.


‘Mutondo naweni kuno wewe Aabu wakomile Naboti na ana yakwe. Ivyalanda ne Yawe. Ali cino nani kwene nalaya ukuti kankucitile icili cimwi kwene mu calo icili conga kwene.’ Alino Yeu anena kalinda wakwe kuti anyemule icala cakwe Yolamu nu kucisumbila mu calo cica cakwe Naboti, ndi muno Yawe wavwangile.”


“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.


Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.


Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.


Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.


Pelini, namwe mulapelwa. Mulapelwa cilingilo cisuma cisindelwe, cakuti musakatile. Pano cilingilo cino mukalingila auzo, acino namwe Leza alamulingila.”


Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.


We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.


Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.


Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”


Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”


Awewe ukatonsya yemba nga watumbalala, awewe ukamyalalika amaimbi yakwe.


“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,


Swiv nou:

Piblisite


Piblisite