Biblia Todo Logo
Bib sou entènèt

- Piblisite -




Yelemiya 32:17 - Amazwi Yakwe Leza 2013

17 “Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Gade chapit la Kopi




Yelemiya 32:17
49 Referans Kwoze  

Pano pataya cintu nanti cimwi cino Leza angaposiwa.”


“Lola, nene Yawe wa antu yonsi, uzye kwaya cino camposya?


Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”


“Nemo natimanya ukuti wemo wakwata amaka akucita icintu icili consi, Wemo ungacita consi cino ukulonda, nupya kusi angalesya.


Yesu ayalolekesya ayanena ati, “Ku antu citangacitika, lelo kuli Leza vintu vyonsi vingacitika.”


“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.


“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.


Lelo Yesu aasuka ati, “Cino umuntu atangacita, Leza wene angacita.”


Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.


Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.


“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”


Awewe waumvile insi apa katalili, na makasa yako alio yapanga iyulu.


Yawe aliwe waumba insi uku maka yakwe. Aliwe kwene wasimpa impanga yonsi uku mano yakwe, nu kwanza amayulu ku kucenjela sile kwakwe.


Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.


Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,


Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.


Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.


Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”


Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”


Leza uwaumvile insi na vyonsi ivyayamo, ali mwine wi yulu ni nsi, nupya asyaikala mu ng'anda yakulwa na antu.


Vii avino Mwene wavwanga, wino walenzile kuti vii vimanyike kufuma ku mpiti.’”


“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.


Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,


“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?


Lyene mwalola, nalikwene lino nkusema, Pelatiya umwana wakwe Benaya awiyo wafwa. Nga nani inkupama pansi indaizya ni zwi ilikalamba inti, “Kalanda we, we Simwandalali Yawe! Uzye umala umalile ni nsyazi kwene izyasyalapo umu ina Izlaeli?”


Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”


Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.


Yesu ayalolekesya ayanena ati, “Ku antu citangacitika, lelo kuli Leza cingacitika, pano vintu vyonsi Leza wene angacita.”


Elisya atwalilila ukulanda ati, “Icintu cii icanguke kuli Yawe ukucita, nupya ali nu kuleka kuti mukacimvye aina Moabu.


kwikasa lyakwe ilya maka ilitambalale, pano luse lwakwe ulwa pe na pee.


Ikasa lyakwe Yawe litipimpala cakuti liposiwe ukupususya, nanti amatwi yakwe yatapuulama cakuti yakane ukuuvwa.


“Twapapata mutuzizyeko kuli Yawe, pano lyene Nebukadineza umwene waku Babiloni ni vita vyakwe yakulwisya umusumba uu. Limwi lyene Yawe angatucitila ivizungusyo vimwi ivingapatikizya umwene Nebukadineza kuswilila.”


We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.


Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”


Yawe Wamaka yonsi wavwanga wati, “Pa nsita iyo icintu cico cilaloleka cipezyamano ku antu amu mutundu ulya alasyalapo, awe cumi kuli nene citalaya cipezyamano foo.


Yawe nawe aasuka Mose ati, “Uzye ikasa lyakwe Yawe iliipi? Ulailolela wemwisikulu, ndi cakuti izwi lino nakunena lilafikiliziwa nanti foo.”


Swiv nou:

Piblisite


Piblisite