Yelemiya 31:8 - Amazwi Yakwe Leza 2013

⁸ Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 31:8 Referans Kwoze

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Mika 4:6

Yawe wavwanga wati, “Mu wanda ulya, Ndakonganika ivilema. Ndakonganika yayo azingwa kumwao, na yayo yano naponyezizye amalanda.

Ayebulai 12:12

Acino mukomye makasa inu atonte nupya mutaleka makokola inu yazakaza!

Ezekelo 34:13

Ndazifumya mu mpanga zya mitundu yonsi. Ndazikolonganika, nkaziwezezye nu mu mpanga yakwezyo. Ndazicemela mu myamba yamu Izlaeli, ku tunguzi twa manzi, nu mu mpanga zyonsi umwikala antu.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Mateo 12:20

Atalavuna itete lifwampe, atalazimya nyali ikuzimantukila kufika lino alalenga kuti wololoke wakwe Leza ucimvye.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Malango 30:4

Nanti cingaya ukuti mwasalanganila ukutali cuze, nako kwene aliza amukonkole nu kumukolonganika pamwi nupya.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

Yoane 21:15

Pacisila lino yalya, Yesu auzya Simoni Petulo ati, “We Simoni mwana wakwe Yoane, uzye wantemwa kuluta vino yaa yauze yantemwa?” Awe aasuka ati, “Endi Mwene, wamanya vino nakutemwa.” Yesu nawe amunena ati, “Uwalisya ana ya mfwele akwane.”

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Ezekelo 20:41

Lino ndamufumya mu mpanga muno namusalanginye nu kumukonganika pamwi, alino ndapokelela impolelwa zinu zino mukaoca. Antu amitundu yonsi yalalola ukuti fwandi nene wamuzilo, pano mwemo mulampepa.

Ezekelo 20:34

Ndamulanga vino nemo naya na maka na vino nkasoka, lino ndamufumya mu mpanga zyonsi muno yamusalanginye, pakuti nkamukolonganike pamwi.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Masamu 107:3

Yano wakolonginye ukufuma mu mpanga zyonsi. Izyaku ufumondaka ni zyaku uwondaka. Izyaku kayeya nga ni zyaku katutu.

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”