Yelemiya 31:7 - Amazwi Yakwe Leza 2013

⁷ Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Yelemiya 31:7 Referans Kwoze

Ezaya 37:31

Apa Ayuda yano yasyala mwenemo yene yalaatepa sile wa miti iilembe, ino yatwalisya imisisi pansi, ino ikaseekesya ni viseekwa.

Masamu 28:9

Tuula antu yako, polelela umutundu wako. Uwa yatungulula nu kuyasunsa pa maye lyonsi.

Masamu 14:7

Endi, ufyusi wakwe Izlaeli si ule ufume sile uku Zioni. Lino Yawe alaswilizya antu yakwe kumwao, ali lino Yakobo alazanga na Izlaeli alasansamuka wakwe cimwi.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Loma 11:5

Avino cili na ndakai. Apano yali yamwi aina Izlaeli yano Leza wasolola pamulandu wa cikuku cakwe.

Loma 9:27

Vii avino kasema Ezaya wavwanzile pamulandu wa ina Izlaeli ati, “Nanti angala aina Izlaeli yavula wa musensenga uwamu nkumba yakwe yemba, lelo anono sile alatuulwa.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Ezaya 61:9

Yene yamalumbuka wakwe cimwi ku antu ya mitundu yuze. Yonsi yano yamayalolanga yamasininkizya ukuti mucumi ali antu yano napolelela.”

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Masamu 69:35

Pano aliwe amapususyanga Zioni nu kututulula imisumba yamu mpanga yakwe Yuda, ali muno mumaikalanga antu yakwe, nupya cimayanga ali mpanga yao.

Masamu 67:1

Leza, tuyelele uluse nupya tupolelele, utulole luse luse,

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

Malango 28:13

Yawe Leza winu alamucindamika muye intunguluzi pakasi ka antu amu nko zyuze, nga lelo mwemo mutalayalondela icisila. Insita zyonsi mulaya alongo nga nupya mutalatala muposiwe, cikulu sile mwayela amalamulo yonsi yano nkumupeela ilelo.

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Yelemiya 20:13

Imbilini Yawe! Lumbanyini Yawe! Wene akapususya yayo atitikiziwa ku maka ya antu aipe.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Masamu 126:2

Nga lino umu tunwa twitu mwazile inseko, pasi pakuseka nu kwimba nu luzango! Na antu amu mitundu ya mumbali yavwanganga yati, Yawe watayacitila ivyakuzunguka!

Ezaya 52:8

Uvwa kuno yakalinda yasanzula izwi, yapunda capamwi ni nsansa, pano yasimpana amanso na Yawe lino akuswilila ku Zioni.