Yelemiya 31:6 - Amazwi Yakwe Leza 2013

⁶ Pano uwanda uliza lino yakalinda yalapunda pa myamba yakwe Efulemu yati, ‘Katwapita ku Zioni kuli Yawe Leza witu.’ ”

Yelemiya 31:6 Referans Kwoze

Yelemiya 50:19

Alino ndaswilizya Izlaeli kwi cemelo lyakwe, alalya cakulya cakwe ku mwamba wa Kalimeli ku citungu ca Basyani. Nupya alalya mpaka aiine, atelepe mu mpanga yakwe Efulemu nu mu Gileadi.

Oseya 9:8

Kasema, kumwi na Leza aliwe akalinda aluko lwakwe Efulemu, lelo kasema wiyo yakamuteya iviteyo umu nzila zyakwe zyonsi, nga anisi yakwe yali nu mu Ng'anda kwene yakwe Leza.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Ezekelo 33:2

“We mwana wa muntu, nena antu amu mutundu wako uvwange uti, Ndi nakatusizya impanga ino inkondo, nga na antu amu mpanga iyo yasonte umuntu wao wenga, pakuti awino angaya kalinda wao.

Ezekelo 3:17

“We mwana wa muntu, nemo nakusonta ukuya kalinda wa ina Izlaeli. Wayanena vino nkucelwile.

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

Ezaya 40:9

Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”

2 Milandu 13:4

Fwandi ivita vyao vyakomenkine umu mpanga ya myamba yakwe Efulemu. Umwene Abiya wakwezile apapela ya mwamba wa Zemalaimu, umu mpanga ya myamba yakwe Efulemu, nga avwanga ati, “We Yeloboamu, pamwi na ina Izlaeli mwensi, nguvwini!

Ezila 1:5

Lyene intunguluzi zya ng'anda zya mitundu yakwe Yuda na Benjamini, yasimapepo na ina Levi, iyakatuka pamwi nu muntu wensi wino wakuntikilwe na Leza iyaiteyanya ukuya ku kukuula cipya cipya Ng'anda ikulu yakwe Yawe uku Yelusalemu.

Masamu 84:5

Alongo antu yano amaka yao yasintilila kunuli, yao akaika amano ukwiza tumbela umwamba Zioni.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.