Yelemiya 31:5 - Amazwi Yakwe Leza 2013

⁵ Ulalema nupya amatingi, pa myamba yaku Samaliya. Alimi nayo yalalema nu kulya iviseekwa vyakweyo.

Yelemiya 31:5 Referans Kwoze

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Malango 28:30

“Mulalanzya anaci nu kuyataisya, lelo aonsi yauze yalayasemya. Mulakuula amang'anda, lelo mutalalala mwenemo. Mulalema imiti ya matingi, lelo mutalatala mulye iviseekwa vyakweneko.

Mika 4:4

Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Obadiya 1:19

“Ayuda aku Negebu yalikala mu myamba yakwe Esau, nga aku uwondaka yalikala mu mpanga ya ina Filisti. Aku katutu yene yalikala mu mpanga yakwe Efulemu alino nu mu musumba ukalamba wa Samaliya. Aina Benjamini yalikala mu mpanga yaku kayeya ka Gileadi.

Ezekelo 36:8

Mu myamba yamu Izlaeli mwene mulamela imiti nupya nu kuseekamo iviseekwa ivyakuti muce mwalya mwe ina Izlaeli, mwe antu yane pano mwasya muswilile zuwazuwa ku mwinu.

1 Samueli 21:5

Davidi nawe pali pakuvwanga ati, “Cumi kwene, tutazumiliziwa kumanyana na yamangu lino twatenuka ukuya ku nkondo nanti inkondo isi yamuzilo kwene. Nga uzye ilelo lyene yatanga yalusye ukucita cico lino tuli pa mulimo ukalambane ndi uu!”

Malango 20:6

Uzye pano panotuli pali umonsi umwi uwalema amatingi likwene mu calo, lelo atacili azombole? Ndi cakuti apanoli, cazipa aswilile ukwakwe. Pano limwi ndi waya wafwila ku nkondo, ale lyene umuntu muze angailyokezya waini uwa matingi yayo.

Masamu 107:37

Mpaka iyasuka iyakomela ni mbezu umu vyalo vyao iyalema na matingi nu kusyukila uzombozi usuma.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Mika 1:6

Caleka Yawe akuti, “Ndonona Samaliya wiyo, mpaka aye itongwa, umwakulema amatingi. Amawe yakwe ndayafumfumwila mu cifoloma, nu kufukula imifula yakwe.