Yelemiya 31:23 - Amazwi Yakwe Leza 2013

²³ Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yelemiya 31:23 Referans Kwoze

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Ezaya 1:26

Ndamupeela intunguluzi ni nkombe wakwe yano mwakweti apa mpiti. Alino lyene Yelusalemu alaamwa ukuti umololoke, umusumba uwacumi.”

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Masamu 134:3

Si Yawe, amupolelele ukufuma uku Zioni! Wiyo uwacisile iyulu ni nsi.

Masamu 129:8

Nanti sile apita nzila, kutange kuloleke nanti wenga uwakuti ati, ‘Yawe akupolelele! Twamupolelela umwi zina lyakwe Yawe.’ ”

Masamu 128:5

Yawe angala alukukupolelela ukufuma uku Zioni, amanda yonsi aumi wako, mpaka uce ulole ulongo lwakwe Yelusalemu.

Masamu 28:9

Tuula antu yako, polelela umutundu wako. Uwa yatungulula nu kuyasunsa pa maye lyonsi.

Luti 2:4

Pa nsita kwene ilya Boazi afuma ku Betelemu nga alamuka azombozi yalya ati, “Yawe aye namwe!” Nayo iyamwasuka yati, “Si Yawe akupolelele!”

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Ezaya 32:16

Mpanga yonsi mulacitika ivya ulungami ni vyaololoke, ukutandikila sile umu lwanga mpaka nu ku vyalo ivivunde.

Ezaya 33:5

Yawe wacindama, pano wikala ukwiyulu. Wazuzya Zioni nu ulungami nu wololoke.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.