Yelemiya 31:21 - Amazwi Yakwe Leza 2013

²¹ Simpa ivipampa ivyakulangilila inzila, uike nu lukomelo. Iusya ningo inzila muno wapisile. Siwela we mukazyana nacisungu, we Izlaeli. Welulukila ku misumba yako, ii.

Yelemiya 31:21 Referans Kwoze

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Ezaya 62:10

Pitini, pitini mu mpongolo! Umilini antu inzila! Lundumalikini umuseo, fumini mwenemo amawe! Tumpwilini imitundu imendela!

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Hagai 1:5

Uli mulandu uno Nemo ne Yawe Leza Wamaka Onsi nkuvwanga kuno muli nkuti, “Simwatala mwelenganyapo nu kukutumala pa vintu vyonsi ivikamuponela!

Ezekelo 40:4

Alino umuntu wiyo anena ati, “We mwana wa muntu, lolekesya ningo nu kukutika ningo, uteke nu mwenzo kuli consi cino namakulanga pano ali cino yakuletile kuno apakuti nkulangilile. Nupya ali vino uli nu kumanyisya ang'anda yakwe Izlaeli vyonsi vino umalola.”

Yelemiya 51:50

Mwemuno mwapuswike ku lupanga lwakwe, fuminimo mutasyala mwenemo. Mwaiusya ne Yawe umu mpanga ya kutali nupya mwaiusya na Yelusalemu.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Masamu 84:5

Alongo antu yano amaka yao yasintilila kunuli, yao akaika amano ukwiza tumbela umwamba Zioni.

Zakaliya 10:9

Nanti nayasalanganyizizya mu inamasi, lelo namo kwene yalanjiusya mukwene muno yali. Yene yalapusuka pamwi na ana yao, nu kuwelulukila pamwi kumwao.

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Mapinda 24:32

Alino ndolekesya, inkutumala, yasuka amano yiza, alino nsambililako icintu cii:

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

2 Milandu 11:16

Antu ukufuma mu mitundu yonsi iya ina Izlaeli yano yapepanga Yawe, Leza wa ina Izlaeli nayo kwene yalondelela aina Levi ku Yelusalemu, apakuti yaocela Yawe Leza wao impolelwa.

1 Milandu 29:3

Ukulunda pali vii vyonsi, nemo nkupeela ku Ng'anda ikulu yakwe Leza, icuma cane cakwe zaabu na siluva, ukuluta pali vyonsi vino napeela ku mulimo wa Ng'anda yakwe ikulu.

Malango 32:46

alino wavwanzile ati, “Sininkizini ukuti mwayela amalamulo yaa yonsi yano namupeela ilelo. Mwasambilizya kweneko na ana inu, pakuti nayo yayela ningo amasambilizyo yonsi yakwe Leza.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yelemiya 46:11

Pitanga utumbele ku Gileadi, we mukazyana nacansonso mwana Eguputo, ukalonde umulembo. Lelo ukuicuzya sile pakulonda umulembo pano kusi umulembo ungakupozya.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.