Yelemiya 31:19 - Amazwi Yakwe Leza 2013

¹⁹ Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Yelemiya 31:19 Referans Kwoze

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Ezekelo 21:12

Pomola impooma, nupya pundisya, we mwana wa muntu, pano ulupanga luu ulwa kusalipila antu yane ni ntunguluzi zyonsi zya ina Izlaeli. Ni ntunguluzi zilafwila pamwi na antu yonsi. Fwandi mwemo tungililini sile amakasa mu nzekete.

Luka 18:13

Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Masamu 25:7

Utaiusya amaifyo yane yano nacisile umu wance wane. Uwanjiusya luse luse, ukulingana nu usuma wako.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

Loma 6:21

Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

Luka 15:30

Lelo umwana wako wii wasumba vyuma vyako vyonsi muli yacizelele, na lino watawela pa mulyango, wemo wamukomela kacipambasi akiine!’

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Yobo 20:11

Umwili wakwe uwali ni vimaka uku ulumendo, utalalengela ukuzikwa nga nu kuola umu musili.

Yobo 13:26

Kwene upinguzi uno wampingwila wene ulule. Wapingwila kumwi navino nolonginye umu ulumendo wane.

Masamu 119:67

Lino utacili umvunuke, napumbokanga umu nzila. Lelo ndakai nkayela izwi lyako.

Ezekelo 21:17

Nga nani kwene namakomela inkufi ni cipyu cane cimasila. Ivyalanda ne Yawe Simwandalali.”