Yelemiya 31:16 - Amazwi Yakwe Leza 2013

¹⁶ Yawe wavwanga wati, “Lesya izwi lyako ukulosya na manso yako ukuponya aminsozi, ni vipa vyako vitezya vitipasye aminsozi. Vyonsi vino wacitile ana yako ulalambwilwapo. Yene yalaweluluka ukufuma ku mpanga ya anisi yao.” Ivyalanda Yawe.

Yelemiya 31:16 Referans Kwoze

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

2 Milandu 15:7

Ali cino fwandi mwemo komini sile, mutatovoka foo. Pasi pano apa milimo ino mukaomba, apano mulapokela icilambu.”

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Ezaya 30:19

Nga alino nupya atwalilila ati, “Mwe ikazi amu Yelusalemu, mutalalila aminsozi nupya foo. Leza waya nu luse. Wene alamutuula ndi mwamwama.

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Utandiko 43:31

Lino wata kulila afulala ku manso, afuma ku muputule, asipa nupya, nga apeela ilamulo ati, “Mpelini ivyakulya.”

Utandiko 45:1

Lino Yuda wamala kuvwanga, Yosefu aposiwa kuzizimizya pa manso ya aomvi yakwe. Caleka apeela ilamulo ku yaomvi yonsi ali mu muputule wa ng'anda kuti yafumemo. Lino Yosefu wasyalamo wenga sile na ina yakwe, ailondolola kunoyali.

Masamu 126:5

Leka yayo akatovya umu kulila aminsozi, yace yasinze ni nsansa.

Ezaya 40:10

Umwene mucindami akwiza ku kuteeka na maka. Lino akwiza ali na antu yakwe yano wakulula.

Ezekelo 37:21

Yanene ukuti ne Yawe ndafumya Aina Izlaeli umu mitundu ya yantu yauze muno yaya nu kuyakolonganika pamwi, nga alino nkayaswilizye umu mpanga yao.