Yelemiya 31:15 - Amazwi Yakwe Leza 2013

¹⁵ Yawe wavwanga wati kutikini kwi zwi ukufuma ku Lama, likulilizika nu kuilizyanya wakwe cimwi. Lakeli akulilila ana yakwe, akukana nu kutekeziwa pano yonsi yasendwa.

Yelemiya 31:15 Referans Kwoze

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Masamu 77:2

Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.

Utandiko 35:19

Lyene Lakeli afwa, nga yamuzika mumbali ya museo uwaku Efulata (kuli kuti, Betelemu).

Yelemiya 10:20

Amataalu itu yatiyononeka. Imyando ino yailemelile yatiputoka yonsi. Ana itu yonsi yatiyatusya. Pasi nanti wenga asile wakuti asimpe amataalu itu nupya. Pasi nanti wenga uwakukoweka ivisalu kweneko.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Utandiko 42:13

Nayo yaasuka yati, “Musambazi twavyalwa ana aonsi ikumi na yaili, swensi pamwi ku muntu wenga sile mwina Kenani. Mwina witu wenga wafwa, nga nu muto witu ndakai asile kuli tata.”

Utandiko 37:35

Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.

Nyimbo zya ndosya 5:7

Ivikolwe vitu vyaifizye, lelo pali ndakai visipo, nga naswe tukuculila apa maifyo yao.

Utandiko 42:36

Isi ayanena ati, “Uzye mukulonda kuti mponzye ana yane onsi? Yosefu waponga, lyene na Simeoni kwene wataponga, nga ndakai mukulonda musende na Benjamini kwene. Ala! Nene nkucula ne so, asi mwemwe.”

Ezekelo 2:10

Nawe amupombolola apa manso yane, nga ndola ukuti iyalemba mbali zyonsi ziili. Palemvilwe ukuti ukulosya, ukuteta, nu kulilizika.

Masamu 37:36

Lino napisileko nupya, awe nazanyile asipo. Inezya ukulondelezya awe cumi asi wakuloleka foo.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

1 Samueli 7:17

Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.

Yoswa 18:25

Pali nu musumba wa Gibyoni, Lama, Beeloti,

Utandiko 5:24

Enoki watenzi mu utandano na Leza, nga ata kuloleka pano Leza wamusenzile.

Yakapingula 4:5

Wikalanga umwisika lya kancindu kamwi kakwe Debola akayelile apakasi ka musumba wa Lama nu wa Betele, mu mpanga ya myamba yakwe Efulemu. Lyene aina Izlaeli nao yayanga kuku kunoli ku kupingulwa.

Ezaya 10:29

Yalapita umu mupokapoka ulya, nu kutuwilizya sile usiku uku Geba. Antu amu musumba wa Lama yalazakaza. Amu musumba waku Gibeya, umusumba wakwe Saulo, yaluutuka!