Yelemiya 31:12 - Amazwi Yakwe Leza 2013

¹² Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Yelemiya 31:12 Referans Kwoze

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Yowelo 3:18

“Mu wanda ulya, imyamba ilazwa waini umupya, nga nu twamba tonsi tulapongolola iziya, nga nu tunguzi twamu Yuda tulakonkoloka amanzi. Akafukoka kalafukoka amanzi mu ng'anda yakwe Yawe nu kutapilila cifoloma ca Sitimu.

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Ezekelo 17:23

Ndaulema pa mwamba umwi utalimpisye mu Izlaeli. Wene ulalemuka uce ukakule ukatumbe ni misambo iingi, nga nu kuseeka iviseekwa. Ulaya umuti umwi utalimpisye. Ivyunyi vya misango yonsi akuno vilaikala, nu kuuwa mu misambo yakweo.

Ezaya 65:19

Nani kwene kumwi, ndaya sile uwa nsansa zituputupu, pamulandu wakwe Yelusalemu na antu yakwe. Mutalaya uwakulukusya aminsozi, nanti sile uwakukuuta ati, ‘Tutulwe!’

Ezaya 60:20

Amanda ya kuilizyanya yalasila. Nene kwene ne Yawe ndaya uluswepo lwako pee na pee, lulo luno lulayelelela pee ukuluta apa mwezi na kasanya.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Ezekelo 20:40

“Pano Yawe Simwandalali wavwanga ukuti pa Mwamba wane wamuzilo, pa mwamba utali wakwe Izlaeli, apano ang'anda yonsi yakwe Izlaeli yalikala nu kumpepa. Apano nemo ndamuzengela, nu kupokelela impolelwa zinu, amawila inu asuma, pamwi na mawila yauze amuzilo.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 1:30

Mulaumila wa miti ino ikunyaluluka, nanti wa vyalo vino vyata ukutapililwa amanzi.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 31:6

Pano uwanda uliza lino yakalinda yalapunda pa myamba yakwe Efulemu yati, ‘Katwapita ku Zioni kuli Yawe Leza witu.’ ”

Yelemiya 31:7

Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Yelemiya 31:24

Yuda ni misumba yakwe yonsi, alimi na yano yakazeuluka na maufyo ya viteekwa, yalikala mu mpanga kwene ii.

Yelemiya 31:25

Pano ndimula umwenzo utovoke, ndikusya nu mwenzo onsi uno ukucula.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Yelemiya 33:12

Nupya kwene Yawe Wamaka yonsi wavwanga wati, “Umu mpanga kwene ii ino icili kwati ulwanga, umu siikala umuntu nanti inyama, ala mulaya nupya umulemvwe umwakuti yace yacemelamo iviteekwa.

Yelemiya 33:13

Nupya yakacema yalapendelamo imfwele zyao umu misumba ya mwisika lya myamba, umu misumba yaku Negebu, umu citungu cakwe Benjamini, nga nu mu misumba ino yazinguluka Yelusalemu kumwi ni misumba ya muno mpanga yamu Yuda. Ica cumi anene ne Yawe navwanga.”

Ezekelo 34:14

Ndazicemela umwaya umulemvwe usuma, mu myamba nu ku nguzi nu mu mpanga zyonsi zya mulemvwe, izyaya mu mpanga ya Izlaeli.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Ezaya 52:8

Uvwa kuno yakalinda yasanzula izwi, yapunda capamwi ni nsansa, pano yasimpana amanso na Yawe lino akuswilila ku Zioni.

Ezekelo 36:30

Ndaleka imiti inu ikasekesye viseekwa, nu kuvuzya ivyakulya mu vyalo vinu pakuti mutace mukaponelwe nupya ni nzala iyakumuletela insonyi uku antu ya mitundu yuze.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.