Yelemiya 30:8 - Amazwi Yakwe Leza 2013

⁸ “Mu wanda ulya, ali vino ne Yawe Wamaka yonsi navwanga, ndakontola ikoli apa nsingo zyao, ndatankola ni minyololo yao, yatalatala nupya yaye azya ku enyi.

Yelemiya 30:8 Referans Kwoze

Ezekelo 34:27

Imiti yamu mpanga ilaseeka iviseekwa vyakweo, nu musili ulamezya ivyakulya vyakweo, yalikala umutende mu mpanga yao. Lyene alino yalama ukuti nene indi Yawe, lino ndaputula insinga zya makoli yao, nu kuyakulula mu makasa yakwe yao ayateeka uzya.

Naumi 1:13

Ndakai namalenga aina Asilya yataya na maka pano muli, nu kuputola iminyololo ino mwanyepelwako.”

Yelemiya 27:2

Yawe wavwanga wati, “Pyata umwando nu kupanga ikoli, ulikoweke mu nsingo yako.

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Yelemiya 28:10

Kasema Hananiya ali pakutoola ikoli pa nsingo yane ne Yelemiya, walikontola nu kulikontola.

Yelemiya 28:13

“Pitanga yanga kanene Hananiya ndi vino amakoli yano watavunola avimiti sile, lelo yamapyanikiziwa na makoli ya vyela.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Ezaya 14:25

Ndonona aina Asilya umu mpanga yane ya Izlaeli, nu kuyalyatola apa myamba yane. Indakulula antu yane ukwi koli lya ina Asilya, nu ku visendo vino yayatwika apa viye.

Ezaya 10:27

Umu wanda ulya ndakukulula ku mutitikizya wa ina Asilya, nga ni vikonkoli vyao vilata ukukuvuna insingo.”

Yelemiya 28:4

Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Masamu 107:14

Nga nawe wayakulwile uku ucuzi wao. Wayafumizye umu mfinzi nu mu cinzingwa ca mfwa. Nupya waputwile ni minyololo yao.

Ezekelo 30:18

Imfinzi ilandatila Taapanesi, lilyo lino ndavuna amaka yakwe Eguputo kuku kwene. Lyene ni cilumba cakwe cilamuputuka. Amakumbi yalamuvimba, nga ni mizi yakwe ilasendwa ku uzya.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Ezaya 14:3

Uwanda uno Yawe alaleka mupemwile uku macuzi inu, uku ulanda nga nu ku uzya winu uno mwateekwa,