Yelemiya 30:22 - Amazwi Yakwe Leza 2013

²² Alino mwemo mulaya umutundu wane nga nani ndaya Leza winu.

Yelemiya 30:22 Referans Kwoze

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Ezekelo 36:28

Mulaikala mu mpanga ino napiile ivikolwe vinu. Mulaya antu yane sile nenga, nga nani ndaya Leza winu.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Yelemiya 32:38

Alino lyene yalaya umutundu wane, nani ndaya Leza wao.

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Ezekelo 11:20

Lyene alino yalayela ivipope vyane nu kuteekela apakuwaka amasunde yane. Yalaya antu yane, nga nani ndaya Leza wao.

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.