Yelemiya 30:21 - Amazwi Yakwe Leza 2013

²¹ Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Yelemiya 30:21 Referans Kwoze

Mpendwa 16:5

Alino anena Kola, pamwi ni umba lyonsi ati, “Mutondo akatondo, Yawe alatulanga umuntu wakwe uwasololwa pakuti apalamile kuli aliwe. Wino alaleka apalamile kunoli, wiyo kwene ale awino wasolola.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

2 Samueli 7:13

Mwana wako ali wino alankuulila ing'anda, nani ndalenga kuti ana yakwe yace yalondekana ukuya aene, amanda pe.

Malango 33:5

Yawe wizile aya umwene wa antu yakwe aina Izlaeli lino imitundu yao kumwi ni ntunguluzi zyao zyakongine pamwi.

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Mateo 27:37

Apapela ya mutwe wakwe iikapo cimpampa icalemvilwepo cimanyisyo ca mulandu uno wapilwe, cakuti, “Wii, ali Yesu, Mwene wa Ayuda.”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Mateo 2:2

Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Yelemiya 50:44

“Nemo ne Yawe apakwiza, nkwiza wakwe cisama wino walompoka mu matesi amu Yodani, apakulungama ku nyika ya mulemvwe kuno antu yakacemela iviteekwa vyao. Avino ndapumikizya aina Babiloni, nu kuyazinga mu musumba wao. Uzye aweni wino ndaisolwela uwakuteeka umutundu ndi uu? Aweni angaya, wakwe nene angailinga kunondi? Uzye akacema cii, wino angancilima?

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Masamu 89:29

Ana yakwe ali yano yamatwalililanga ukuya apa wene pee, nu wene wao ulayelelela pee na ndi, wi yulu.

Neemiya 7:2

Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Utandiko 18:32

Abulaamu avwanga ati, “Napapata Mwene utasoka nupya, lelo nzumilizya mvwange lyonga sile. Ndi mu musumba ulya mwazanwa sile antu ikumi akacita vyawololoke, uzye ulaonona?” Yawe aasuka ati, “Ntalonona umusumba ulya ndi ningazanamo antu ikumi akacita vyawololoke.”

Utandiko 18:30

Abulaamu avwanga ati, “Napapata Mwene utasoka, nzumilizye ndande nupya. Ndi mu musumba ulya mwazanwa antu amakumi yatatu akacita vyawololoke, uzye ulaonona?” Yawe aasuka ati, “Ntalacita cico ndi ningazanamo antu amakumi yatatu.”

Mpendwa 16:40

Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Malango 17:15

Mukasininkizye ukuti umuntu wino mwasolola awiyo wino na Yawe Leza winu angamusolwela. Wene alinzile waya aumwi uwamu antu inu. Mutakezye ukuteeka umwinamasi pa cilimba kuti aye umwene winu.

Masamu 65:4

Alongo antu yano wemo wasolola, apakuti yangaikala umwi sano lyako ilyamuzilo! Tumasekelanga apa vintu ivizipe ivyaya umwako, apa upolelelo uwaya mung'anda yako yamuzilo!

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!