Yelemiya 30:20 - Amazwi Yakwe Leza 2013

²⁰ Ana yao yalaya vino yali apa mpiti. Iuvi lyao lilasimpwa pa cinso cane. Ndavunuka yayo yonsi akayafyenga.

Yelemiya 30:20 Referans Kwoze

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Yelemiya 2:3

Izlaeli wali uwakwane nene sile nenga. Wene wali icuma cane camuzilo. Wiyo wensi wino cala cakumba wamuzanza, ala wene wailetelela sile wenga. Ivyalanda Yawe.”

Ezaya 51:22

Yawe Simwandalali, Kakulula wa antu yonsi, akuti, “Lyene nemo indi pakufumya intazi kuno muli, zino namutulikile uku cipyu cane. Mutalatala muvwe ukali nupya foo. Mutalaauvwa ukali ukalenga ukuti mwapempezyoka.

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Masamu 102:28

Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 102:18

Ivintu vii kavilembwe, apakuti inkulo zyonsi izilalondelela penepo zice zyamanya vino Leza wacisile, ali pakuti ana kuvyalwa nayo yace yamulumbanyako.

Yelemiya 30:16

Lelo ukuya kwene yayo yano yakukumalila, alio kwene yalasila, na anisi yako yonsi yalasendwa ku uzya. Yano yivile ivyuma nayo yalayiyila ivyuma vyao, na yano yakusamfile nayo yalasampwa.

Ezaya 54:14

Ulakuulilwa apa ulungi, ulacingililwa nu ku ntazi. Utalatala uvwe intete. Yalakucingilila kuli vyonsi ivingakoofya. Vitalakupalama foo.

Zakaliya 8:5

Misolo yamu musumba ulya ilazula tupu ance, yakalume na yakaci yayo alacena mwenemo.”

Zakaliya 10:8

“Ndayaamila antu yane mu miluvi, nupya ndayakonganika pamwi, pano anene ndayakulula nu kuyasandulula ndi vino yali apa mpiti.

Nyimbo zya ndosya 5:21

Ungala utuwezezye kunuli, we Mwene! Tuwezye! Tuwezezye ululumbi lwitu ulwa mpiti.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.