Yelemiya 30:18 - Amazwi Yakwe Leza 2013

¹⁸ Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 30:18 Referans Kwoze

Masamu 102:13

Katuka fwandi, nduyele Zioni uluse, insita lyene yatifika ino ungamuyelela uluse. Ikwene ili nsita ilingine!

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yelemiya 49:39

Lelo ukuya kwene, amanda yaliza lino ndawezezya Elamu isyuko,” Ivyalanda ne Yawe.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Yelemiya 46:27

Lelo wemo we muomvi wane Yakobo, utoopa, utazakaza, we Izlaeli. Pano apanondi namakupususya uku mpanga zya kutali, alino napakufumya ana yako mu mpanga ya uzya wao. Yakobo alikala umu mutende nga kutalaya uwakumucuzya nupya.

Yelemiya 49:6

Lelo ukuya kwene apacisila, indawezezya ana yakwe Amoni isyuko.” Ivyalanda ne Yawe.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

1 Milandu 29:19

Upeele Solomoni umwanane umonsi insuna ya kuyela amalamulo yako yonsi nga nu ku kukuulila Ng'anda ikulu ino natinteyanyizizya vii vyonsi.”

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Yelemiya 31:38

“Insita iliiza lino umusumba wakwe Yawe ulakuulwa nupya, ukutandikila sile ku Lupungu lwa Hananeli, ukufika nu ku Mpongolo ya Pitungi.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Masamu 78:69

Ali pano waya wakuula ni ng'anda yakwe. Nayo waicita kwati sile ali yulu kwene ukukutalimpa. Waikuula ikoma ndi wa musili, apakuti iyelelele pee.

Neemiya 7:4

Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

Masamu 85:1

We Yawe, wapolelela impanga yako, wati kuleka nu kuti yamwana Yakobo yasyuke nupya.

Zakaliya 14:10

Mpanga yonsi ilasenuka iye inyika, ukutandikila ku Geba mpaka nu ku Limoni uwaku Negebu. Yelusalemu alatumpuka ukuluta, nanti angala alasyalila apa ncende yakwe yampiti. Mulikala antu ukufuma ku mpongolo yakwe Benjamini nu kufika ku mpongolo ya kutandikila, kuli kuti ku Mpongolo ya Pitungu, nga nu kutandikila pa Lupungu lwa Hananeli mpaka nu kufika nu mwakufenela waini ukwi sano.

Yelemiya 31:40

Nupya Cifoloma consi ca vyala ni twi muno vikasumbilwa ni vyalo vyonsi ukufika nu ku kaluzi ka Kiduloni lwaku ufumondaka, ukufika sile nu ku mpongolo ya mfwalasi, vilatuulwa kuli Yawe. Vitalatala vyononeke nanti ukomololwa.”

1 Milandu 29:1

Pacisila cakwe vii umwene Davidi anena iumba lyonsi ilyakongine ati, “Solomoni umwanane umonsi, wino Leza wasolola, umwance nupya atakweti umanyililo wa vintu. Umulimo uukulu, pamulandu wakuti icikulwa cii ica lulumbi. Ing'anda ii isi ya muntu, lelo iyakwe Yawe Leza.

Masamu 48:3

Leza watailanga ukuti aliwe amuno antu yakwe yakazina, umukasi ki linga lya musumba wakwe.

Masamu 48:13

Mwalolekesya sana iviumba nu kuceceta ivimpinda apakuti muce mwalondolwela inkulo iziliza uku cisila, ala mukuti

Masamu 122:7

Lekini umutende uye umukasi ka malinga yakwe, nga nu kucingililwa kuye umwi sano lyakwe.”

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Zakaliya 12:7

“Ne Yawe ndaleka ivita vyaku Yuda vikatale vikacimvye anisi, apali pakuti umucinzi uno ana yakwe Davidi yalakwata pamwi na ikazi amu Yelusalemu, utakacile umucinzi uno Ayuda yauze yonsi yalakwata.

Masamu 102:14

Pano aomvi yako yatemwisya Zioni, nanti angala yamuongolola. Yakamulila nanti angala wasyala ivitalang'anda.

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.