Yelemiya 30:17 - Amazwi Yakwe Leza 2013

¹⁷ Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

Yelemiya 30:17 Referans Kwoze

Masamu 107:20

Wene apeela ilamulo lyakwe, nu kuyapozya ayapozya, ayafumya nu mu cinzingwa ca mfwa.

Yelemiya 33:6

Lelo ukuya kwene, intalalengela uku ututulula nu kuupozya. Ndayalwazya nu kuyapeela ulongo nu mutende ukalamba.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Masamu 103:3

Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Masamu 23:3

Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Umbwilo 22:2

Uluzi luu, lwapita pakasi ka museo uwamu musumba. Cila cituntu ca luzi pali muti ukapeela umi. Muti uu wasekanga vizao maila ikumi na yaili mu mwaka, lyonga cila mwezi. Amafwa yakweyo umulembo wakupozya antu amu nko zyonsi.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Yelemiya 30:13

Kusi nanti wenga uwakusakamala indwala yako, kusi nu mulembo uno ungakuwezezya umutende.

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Yelemiya 33:24

“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Ezekelo 35:12

Mu cumi, alino lyene ulasininkizya ukuti nene ne Yawe nkauvwa kuno ukavwanga musaluula musaluula uti, ‘Mu myamba yamu Izlaeli mutalasyala akantu nanti kamwi, asweswe kwene tuli nu kuvipoka.’

Ezekelo 36:20

Lyene nupya konsi kuno yala yaya, nako kwene yasincindika awe. Na antu yonsi yakavwanga pamulandu wao yati, ‘Antu yaa ali yano Yawe wazinzile mu mpanga ino wene wayapile.’

Nyimbo zya ndosya 2:15

Antu yonsi akupita mu musumba yakukusonta ni minwe, yakufunga na makofi misula misula. Yene yakuvwanga yati, “Uzye uu uli musumba uno yakulumbilizya yati, ‘Nacansonso Citaizipila, luzango wa nsi yonsi?’ ”

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

Ezaya 33:24

Apa antu yonsi aaya umu mpanga itu, patalaya nanti wenga alailizyanya apakulwala. Alino antu yonsi nayo yalaelwa uluse apa uyi wao.

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Ezaya 58:8

“Ndi cakuti caya vivyo ale lyene uluzango lwane lulayengesa wa luswepo lwi lanzi lino likutunka, ni vilonda vinu vilapola sile zuwazuwa ukwaula nu kusumba kasita. Lyene nani kwene ale ndaya namwe lyonsi kwene apa kumupususya. Ndaya penepo apakuti namucingilila monsi monsi.

Ezaya 60:15

“Lyene fwandi antu yatalatala yakutazyele, nanti ukukusuula ndi vino yakupasile nu kukufumyako amano. Nemo ndakucindamikila calimwi. Nupya umwako kwene ali muno yalasansamukila amanda yonsi.

Yelemiya 17:14

Sungala ungazwe Mwene, uleke mpole, untuule uleke nkululwe, pano awewe we muno nkalumbanya.

Oseya 11:3

Nanti cali vivyo anene nasambilizye aluko lwakwe Efulemu ukupita. Nene kwene nayelezile, lelo yatamanya ukuti nene nayasunganga.

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Ezaya 54:6

Nacendi we Izlaeli Yawe akukwama, uwele wa mwanaci wino yatazyela, wino akucula umwenzo. Uzye kwene umuntu angatazyela umuci uwamu ulumendo wakwe? Vivyo ivyavwanga Yawe.

Ezaya 57:18

“Nemo nalola vino yacita, lelo ndayapozya. Ndayatungulula nu kuyazwilizya. Ndamyalalika yano yalalosya.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Yelemiya 10:20

Amataalu itu yatiyononeka. Imyando ino yailemelile yatiputoka yonsi. Ana itu yonsi yatiyatusya. Pasi nanti wenga asile wakuti asimpe amataalu itu nupya. Pasi nanti wenga uwakukoweka ivisalu kweneko.