Yelemiya 30:13 - Amazwi Yakwe Leza 2013

¹³ Kusi nanti wenga uwakusakamala indwala yako, kusi nu mulembo uno ungakuwezezya umutende.

Yelemiya 30:13 Referans Kwoze

Yelemiya 46:11

Pitanga utumbele ku Gileadi, we mukazyana nacansonso mwana Eguputo, ukalonde umulembo. Lelo ukuicuzya sile pakulonda umulembo pano kusi umulembo ungakupozya.

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Yelemiya 33:6

Lelo ukuya kwene, intalalengela uku ututulula nu kuupozya. Ndayalwazya nu kuyapeela ulongo nu mutende ukalamba.

Yelemiya 30:17

Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Naumi 3:19

Icilonda cako citalatala cilole umulembo, nupya impofya yako itangapoziwa, awe. Wensi wino uvwa ilyasi lyapali wewe, alakomela amakufi apakuzangila ukuwa kwako. Uzye kuli umwi wino walewike uzunyo wako ukakate?

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Ezekelo 22:30

Nemo nakasi ukuti wenga angakuula iciumba, aimilile na pa cipongo pano iciumba catuluka, pakuti awino apokolole kweneko impanga, lino nemo ndalonda ukuyonona uku ukali. Lelo ntalolapo nanti wenga.

Ezaya 59:16

Leza akazunguka pakulola ukuti kusi nanti umwi akatuula yano yakucula. Fwandi lyene Leza umweneco kwene amavwandamuka pakuti ayapususye nu kucimvya amacimvya.

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Yelemiya 17:14

Sungala ungazwe Mwene, uleke mpole, untuule uleke nkululwe, pano awewe we muno nkalumbanya.

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Yelemiya 6:7

Vino icifula cikafukoka amanzi, avino nu musumba uu ukafukoka uyi. Ukakasi nu ononyi ivikauvwika sile mwenemo. Indwala ni vilonda vikaloleka pee ku manso yane.

Ezekelo 30:21

“We mwana wa muntu, nemo natimvuna ikasa lyakwe Falao umwene waku Eguputo. Lyene lisi lipombelezye ni cisalu kuti lipoziwe nanti ukunyepelelwa umuti kuti likome apakuti lileme ulupanga.

Nyimbo zya ndosya 2:13

Iye mwe Yelusalemu, we musumba uno natemwisya, uzye namalanda cani? Ningakutekezya ntuli? Kutatala kwaya uwacula ndi vii. Ucuzi wako umakulilangako sile ukwaula impela, nga kusi nu upaalilo.