Yelemiya 30:11 - Amazwi Yakwe Leza 2013

¹¹ Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Yelemiya 30:11 Referans Kwoze

Yelemiya 10:24

Tukalipile sile swe antu yako we Yawe, lelo utacizya umu cipimo, nanti kutuvunuka lino wasoka.

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 4:27

Pano avino Yawe watavwanga ati, “Impanga yonsi ilononwa, lelo ntalayonona pyu.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

2 Timoti 4:22

Mwene asunge umi wako. Cikuku cakwe Leza ciye namwe mwensi.

Milimo 18:10

pano indi nawe. Kusi umwi ali na maka ya kukucisa, pano aingi mu musumba uu, antu yane.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Yelemiya 5:18

“Lelo mu manda kwene yayo ntalamonona imumalile, awe.

Yelemiya 5:10

Yangini musalale mu vyalo vyao vya matingi, Vyononini lelo mutavimalila. Putulini insaala pano zisi zyakwe Yawe.

Masamu 6:1

We Yawe, utaya ni cipyu apa kunkalipila, nanti ukumvunuka mu ukali wako!

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Ezekelo 11:13

Lyene mwalola, nalikwene lino nkusema, Pelatiya umwana wakwe Benaya awiyo wafwa. Nga nani inkupama pansi indaizya ni zwi ilikalamba inti, “Kalanda we, we Simwandalali Yawe! Uzye umala umalile ni nsyazi kwene izyasyalapo umu ina Izlaeli?”

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Nyimbo zya ndosya 3:22

Ulukundo lwakwe Yawe lusisila. Amizu yakwe amuntaputuka.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Oseya 11:9

Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

2 Samueli 24:12

“Pita kanene Davidi uti, ‘Yawe wavwanga wati, Nakupeela ivintu vitatu kuti usolole penepo conga. Nani indacita cico cino wemo umasolola.’ ” Uwanda uwalondelela, pacisila lino Davidi wazyuka,