Yelemiya 30:10 - Amazwi Yakwe Leza 2013

¹⁰ “Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 30:10 Referans Kwoze

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Ezaya 43:5

Utuvwa intete foo, pano indi nawe. Nemo ndafumya antu inu yonsi, ukutandikila sile ku ufumondaka, nu kuyawezezya kumwao.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 35:9

Mutalaya yacisama nanti ivilyanyi umu nzila iyo. Yayo yano Yawe wakulula ali yano yalapitamo.

Yoane 12:15

“Mutoopa, mwe antu amu musumba wa Zioni! Lolini, Mwene winu akwiza, watakwela pali mwana punda.”

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezekelo 16:52

Fwandi wemo ufwile uuvwa insonyi. Pasi pano ivicitwa vyako iviipe vyaipisyapo ukuluta iviipe vyakwe yakaci yako, cakuti yene yaloleka penepo akaele. Icaleka wemo insonyi kazikuleme nu kuzewana ku zewane. Pano awewe we mweneco walenga ukuti yakaci yauzo yalolekepo asuma.”

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Ezaya 46:11

Ale mwalola asi papo natinaama umuntu umwi ukufuma ku ufumondaka. Wene amaiza watavuuka wakwe lyang'anda apa kwika. Umuntu wiyo uwa kutali ali wino amaiza acita vino nemo napanga ukucita. Anene navwangilapo nu kucitika ali vino vimaiza vyacitika.

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Ezaya 49:25

Lelo Yawe wavwanga wati, “Endi, azya yalapokololwa mu minwe ya vita, ni visampwe vilapokololwa ku antu ankalwe. Nemo ndalwisya yayo akamulwisya, alino ndatuula na ana inu.

Ezaya 14:3

Uwanda uno Yawe alaleka mupemwile uku macuzi inu, uku ulanda nga nu ku uzya winu uno mwateekwa,

Ezaya 44:1

Yawe wavwanga wati, “Uvwini lyene, mwe amu mutundu wakwe Yakobo. Mwe ina Izlaeli, mwemwe aomvi yane, asololwe.

Yelemiya 23:4

Alino ndasonta yakacema yano yalazisakamala nu kuzilisya. Zitalaoopa nanti ukuzakaza foo, nupya patalaponga nanti yonga.” Ivyalanda Yawe.

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Yowelo 2:21

“Mwe vyalo namwe mutuvwa intete, lelo muzange nu kusansamuka pamulandu wa vintu vyonsi vino Yawe watamucitila.

Ezaya 49:12

Yamwi yalafuma ukutali, Yamwi ku katutu, yamwi ku uwondaka, yamwi yalafuma ku kayeya ku Aswani.”

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Oseya 6:11

“Mwe aluko lwakwe Yuda, namwe kwene ndamuvunuka, “pa vintu vino mukucita.”

Mika 4:9

Uzye pacani cino wemo ukulila nu kupooma? Uzye pacani cino ukunyunguluka wa mwanaci ali pipi nu kulela? Uzye kuli kuti utakweti umwene, nanti mpandamano wakukulangilila?