Yelemiya 3:24 - Amazwi Yakwe Leza 2013

²⁴ Ukupepa icintu ci, ci Baali, icati cilya ivintu vyonsi vino ivikolwe vitu vyatuculilanga, ukutandikila sile uku wance witu, ivyuma ivili wa ng'ombe zyao, imfwele, na ana yao aonsi na anaci.

Yelemiya 3:24 Referans Kwoze

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Oseya 10:6

Endi, unkolanya uo ulasendwa ku Asilya, kuti ukapelwe uwila ku mwene mukulu wakweneko. Aluko lwakwe Efulemu yalazewana. Aina Izlaeli yaluvwa insonyi pamulandu wa kulondela umpandamano wauko uwaufi.

Oseya 2:8

Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 16:61

Lino ndatoola yakaci yauzo, nyokolenzi nu muto wako, nu kuyapeela kunuli, ukuti yangaya ana yako, nanti ntalavile ulayo uno napangine nawe, nga alino nawe uliusya imiyele yako yampiti ni nsonyi zilakulema.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 44:7

“Lyene Yawe Wamaka yonsi, Leza wa ina Izlaeli, akuti, Uzye pacani cino mungailetelela uzanzo ndi uo? Uzye mukulonda sile ukuletelela aonsi na anaci, utwance nu tunya kumwi, cakuti kuno muli kutakasyale nanti umwi uwa mbezu?

Yelemiya 9:18

Antu nayo ali pakuvwanga yati, “Lekini yize zuwa yatwimbile ulwimbo lwa ndosya, mpaka ivipa vitu vizuule aminsozi, ni nkopyo zitu zitipate na minsozi apa kulosya.”

Ezekelo 16:19

Ivyakulya vino nakupeelanga vya usu utonyoleke, amafuta nu uuci vino nakwimulanga, ali vino wavyocelanga ukuya icinunu cisuma icakuvisansamusya! Ee, anene Yawe nakunenelapo.

Ezekelo 16:20

“Lyene watola ana yako yakaci na yakalume, yano waviile kunondi, ayano wocela impolelwa ya cakulya uku tuluwi. Uzye kwene pali ucizelele wako utakumanizye,