Yelemiya 29:7 - Amazwi Yakwe Leza 2013

⁷ Nupya mwasumbisya amano uku vintu ivyakuzipila impanga ino namutwala mwenemo mu uzya. Mwalengela impanga iyo kuli Yawe. Pano ndi cakuti yakwata isyuko namwe kwene mulaya nu longo.”

Yelemiya 29:7 Referans Kwoze

Ezila 6:10

Cico cilinzile ukucitika apamulandu wakupeela kuli Yawe impolelwa ino ingapokelelwa na aliwe, nu kuti yapapatile mwene na ana yakwe aonsi upolelelo usuma uwa umi.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Ezila 7:23

Mulinzile mwacincila nu kutekela sana apakupeela consi cino Leza wa mwiyulu akulonda kuti ciombe umu Ng'anda ikulu yakwe Leza. Mutalinzile mwamufisya uku mwenzo icakuti akancitile icipyu nanti kuli yao alalondela pacisila cane.

Loma 13:1

Muntu wensi alinzile kuyela maka yakwe yakateeka, pano kutaya uteko utafuma kuli Leza. Mauteko yonsi akwe Leza, uwayasonta.

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Loma 13:5

Acino mulinzile kuyela yakateeka, asi pamulandu wa ukali wakwe Leza utupu lelo pamulandu wakuti myenzo inu ikamunena kucita cisuma.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

Ezekelo 11:16

“Caleka unene auzo ali mu uzya ukuti ivintu vino ne Yawe Simwandalali nkumunena aivi: ‘Nene nayatumile kuya ikala mu nko zyuze zyakutali nu kuyasalanganyizizya mu mpanga zyuze. Lelo, pa kasita kanono namayanga nayo mu mpanga muno yaya.’